(फोटो सौजन्य - इन्स्टाग्राम)
बॉलीवूड अभिनेता सलमान खानच्या ‘बॅटल ऑफ गलवान’ या चित्रपटाचे शीर्षक बदलून “मातृभूमी: मे वॉर रेस्ट इन पीस” असे ठेवण्यात आले आहे. सलमान खानने स्वतः चाहत्यांसोबत नवीन पोस्टर शेअर करून शीर्षक बदलाची घोषणा केली. अनेकांना मूळ शीर्षकच योग्य वाटले, तर काहींनी ‘मातृभूमी’ या नावालाही सहमती दर्शवली. शीर्षक बदलानंतर, ताज्या वृत्तांनुसार निर्मात्यांनी ‘मातृभूमी’चे ४० दिवस पुनर्चित्रीकरण करण्याचा निर्णय घेतला आहे. विशेष म्हणजे, चित्रपटात एक नवीन गाणे जोडले जात आहे. आता या चित्रपटाबाबत नवीन अपडेट समोर आली आहे. ती काय आहे जाणून घेऊ.
‘Dhurandhar 2’ मधून ‘या’ अभिनेत्रीचा पत्ता कट, स्वत:च बाहेर पडण्यामागचं रहस्य केलं उघड
‘मातृभूमी’चे इतके दिवस पुन्हा होणार शूटिंग सुरु
मिड-डेच्या वृत्तानुसार, सलमान खानच्या ‘मातृभूमी’ चित्रपटाची टीम फेब्रुवारी २०२६ पासून मुंबईत चित्रपटाच्या काही भागांचे पुनर्चित्रीकरण करत आहे. हे चित्रीकरण अंदाजे ४० दिवस चालण्याची शक्यता आहे. या काळात अनेक महत्त्वाच्या दृश्यांचे पुनर्चित्रीकरण केले जात आहे. निर्माते हा चित्रपट ब्लॉकबस्टर बनवण्यासाठी सर्वतोपरी प्रयत्न करत आहेत. चित्रपटातील एक मोठा बदल म्हणजे हिमेश रेशमिया यांनी संगीतबद्ध केलेले एक चिनी भाषेतील गाणे. एकदा गाणे निश्चित होऊन रेकॉर्ड झाल्यावर, ते सलमान खानवर चित्रित केले जाणार आहे.
गंभीर आजारावर झुंज देत अखेर घरी परतले Salim Khan; वडिलांना पाहून खान कुटुंबात आनंदाचे वातावरण
सलमान खान अभिनीत या चित्रपटाचे दिग्दर्शन अपूर्व लाखिया करत आहेत. हा चित्रपट २०२० मध्ये गलवान खोऱ्यात झालेल्या भारत-चीन लष्करी संघर्षावर आधारित आहे. या चित्रपटात सलमान खान दिवंगत कर्नल बिकुमल्ला संतोष बाबू यांची भूमिका साकारताना दिसणार आहे. चित्रपटाचे चित्रीकरण सप्टेंबर २०२५ मध्ये लडाखमध्ये सुरू झाले असून ते अजूनही सुरू आहे. सलमान खान व्यतिरिक्त, या चित्रपटात चित्रांगदा सिंग, अभिलाष चौधरी, अंकुर भाटिया, विपिन भारद्वाज, झेन शॉ, हिरा सोहल, सिद्धार्थ मूली, निर्भय चौधरी आणि साकिब सलीम यांच्यासह इतर कलाकार देखील दिसणार आहेत.
.png "Videos"){kind=small}
