६० कोटी रुपयांच्या फसवणुक प्रकरणी पोलिसांनी नोंदवला राज कुंद्राचा जबाब, लवकरच करणार कारवाई

शिल्पा शेट्टीचा पती राज कुंद्रा पुन्हा एकदा चर्चेत आला आहे. ६० कोटी रुपयांच्या फसवणुक प्रकरणी त्याने पोलिसांकडे आपला जबाब नोंदवला आहे. आता पोलीस लवकरच चौकशी करण्यास सुरुवात करणार आहे.

• ६० कोटी रुपयांच्या फसवणुक प्रकरणी राज कुंद्राचा जबाब
• लवकरच पोलीस सुरु करणार कारवाई
• काय आहे संपूर्ण प्रकरण?

बॉलीवूड अभिनेत्री शिल्पा शेट्टी यांचे पती राज कुंद्रा यांनी ६० कोटी रुपयांच्या फसवणुकीच्या प्रकरणात पोलिसांकडे आपला जबाब नोंदवला आहे. अधिकाऱ्यांनी ही संपूर्ण माहिती दिली आहे. आर्थिक गुन्हे शाखेने (EOW) त्यांना समन्स पाठवले होते. त्यांना १५ सप्टेंबर रोजी चौकशीसाठी हजर राहण्यास सांगण्यात आले होते. यापूर्वी राज कुंद्रा १० सप्टेंबर रोजी हजर राहणार होते. परंतु, त्यांनी हजर राहण्यासाठी अधिक वेळ मागितला होता. आता लवकरच या प्रकरणी पोलीस चौकशी सुरु करणार आहे.

‘ये रिश्ता क्या कहलाता है’ फेम अभिनेता झाला बाबा, सोशल मीडियावर शेअर केली आनंदाची बातमी

शिल्पा-कुंद्रा विरोधात लूकआउट सर्क्युलर
EOW ने शिल्पा शेट्टी आणि राज कुंद्रा यांच्या प्रवासाची माहिती मिळविण्यासाठी त्यांच्याविरुद्ध लूकआउट सर्क्युलर जारी केले होते. EOW च्या एका वरिष्ठ अधिकाऱ्याने पुष्टी केली की राष्ट्रीय कंपनी कायदा न्यायाधिकरण (NCLT) च्या ऑडिटरलाही चौकशीसाठी समन्स बजावण्यात आले होते.

 

See more

Mumbai Police’s Economic Offences Wing records Actress Shilpa Shetty’s husband Raj Kundra’s statement today in a case related to cheating a businessman of Rs 60 crore. The next interrogation may take place next week. However, statements of more witnesses are yet to be… https://t.co/ZRMlxGkPm4

— ANI (@ANI) September 15, 2025

शिल्पाच्या वकिलाचा युक्तिवाद
तक्रारदार दीपक कोठारी यांचे वकील जैन श्रॉफ यांनी सांगितले की त्यांच्या क्लायंटने पुराव्यांसह पैसे गुंतवले होते. कंपनीने त्यांची दिशाभूल केली असल्याचे त्यांनी सांगितले आहे. उलट, शिल्पा शेट्टी यांचे वकील प्रशांत पाटील यांनी आरोप फेटाळून लावले आहेत. ते म्हणाली की तक्रारदार स्वतः कंपनीत भागीदार होते. त्यांच्या मुलाला संचालक बनवण्यात आले होते. जर कंपनीला नफा झाला असता तर तो दोघांमध्ये विभागला गेला असता.

Bobby Hart: प्रसिद्ध गीतकार बॉबी हार्ट यांचे निधन, वयाच्या ८६ व्या वर्षी घेतला अखेरचा श्वास

काय आहे संपूर्ण प्रकरण?
खरं तर, मुंबईतील जुहू पोलिस ठाण्यात कुंद्रा यांच्याविरुद्ध गुन्हा दाखल करण्यात आला आहे. लोटस कॅपिटल फायनान्शियल सर्व्हिसेसचे संचालक म्हणतात की २०१५ ते २०२३ दरम्यान त्यांनी शिल्पा शेट्टी आणि राज कुंद्रा यांच्या कंपनी बेस्ट डील टीव्ही प्रायव्हेट लिमिटेडमध्ये ६०.४८ कोटी रुपये गुंतवले होते. शिल्पा आणि राज यांनी हे पैसे कंपनीत गुंतवण्याऐवजी स्वतः खर्च केले असा त्यांचा आरोप आहे.