‘हैवन’, ‘हेरा फेरी ३’ आणि ‘या’ चित्रपटांनंतर प्रियदर्शन घेणार रिटायरमेंट, म्हणाले ‘मी थकलोय…’

चित्रपट निर्माता-दिग्दर्शक प्रियदर्शन रिटायरमेंट घेण्याच्या तयारीत आहेत. त्यांनी नुकतेच हे उघड केले आहे. काही आगामी चित्रपट पूर्ण केल्यानंतर ते निवृत्त होतील असे समजले आहे.

• प्रियदर्शन चित्रपटांपासून घेणार रिटायरमेंट
• ‘हैवन’ चित्रपटाचे चित्रीकरण केले सुरु
• प्रियदर्शन निवृत्तीबद्दल काय म्हणाले?

दिग्दर्शक प्रियदर्शन हे हिंदी इंडस्ट्रीतील एक लोकप्रिय निर्माता-दिग्दर्शक आहे. सध्या तो त्याच्या आगामी ‘हैवान’ आणि ‘हेरा फेरी ३’ चित्रपटांमुळे चर्चेत आहे. प्रियदर्शन आता चित्रपटसृष्टीतून निवृत्ती घेण्याच्या देखील तयारीत असल्याचे समजले आहे. अलिकडेच एका मुलाखतीदरम्यान त्यांनी स्वतः अशी इच्छा व्यक्त केली की ते आता थकले आहेत. ‘हैवान’ आणि ‘हेरा फेरी ३’ पूर्ण केल्यानंतर त्याने चित्रपटसृष्टीतून निवृत्ती घेण्याचा आपला हेतू उघड केला आहे.

मोठे झुंबर, सोफा आणि बाल्कनी; रणबीर-आलियाचं 2,500,000,000 रुपयांचं पूर्ण झालं घर

‘हैवन’ चित्रपटाचे चित्रीकरण कोचीमध्ये सुरू
दिग्दर्शक प्रियदर्शन यांनी ‘हैवन’ चित्रपटाचे चित्रीकरण सुरू केले आहे. सध्या त्याचे चित्रीकरण कोचीमध्ये सुरू आहे. या चित्रपटात अभिनेता सैफ अली खानसोबत अक्षय कुमार देखील दिसणार आहे. ‘हैवन’ हा चित्रपट प्रियदर्शनच्या २०१६ च्या हिट चित्रपट ‘ओप्पम’ पासून प्रेरित आहे, परंतु त्याच्या संवादांमध्ये आणि पटकथेत बरेच बदल करण्यात आले आहेत. दरम्यान, दिग्दर्शकाने त्यांच्या भविष्यातील नियोजनाबद्दल देखील सांगितले आहे.

मोहनलालसोबत १०० वा चित्रपट करणार
‘हैवन’ हा चित्रपट प्रियदर्शनचा ९९ वा चित्रपट आहे. ‘ओप्पम’मध्ये मुख्य भूमिका साकारणारा मोहनलाल ‘हैवन’मध्येही छोटी भूमिका साकारताना दिसणार आहे. अलीकडेच प्रियदर्शनने ‘ओमनोरमा’शी बोलताना खुलासा केला की त्याची भूमिका प्रेक्षकांसाठी एक आश्चर्यचकित करणारी असेल. तो पुढे म्हणाला की ‘हैवन’ नंतर तो मोहनलालसोबत मुख्य भूमिकेत असलेला त्याचा १०० वा चित्रपट दिग्दर्शित करण्याची योजना आखत आहे. जरी या प्रकल्पाची पटकथा अद्याप अंतिम झालेली नसली तरी, त्याचे चित्रीकरण पुढील वर्षी सुरू होण्याची अपेक्षा आहे.

अर्जुन बिजलानी घेणार पत्नीपासून घटस्फोट ? ‘बिग बॉस १९’ मध्ये एन्ट्री! या अटकळांवर अभिनेत्याने सोडले मौन

प्रियदर्शन निवृत्तीबद्दल काय म्हणाले?
प्रियदर्शनला अक्षय कुमारसोबत सतत काम करण्याबद्दल विचारले असता ते म्हणाले की, “ही सर्व सोयीची बाब आहे’. सिक्वेलबद्दल त्यांनी कबूल केले की, ‘मी सहसा माझ्या मूळ चित्रपटांची सिक्वेलमध्ये कॉपी करत नाही, ही माझी आवडती काम करण्याची शैली नाही’. त्याने पुढे एक धक्कादायक टिप्पणी केली की, “हे चित्रपट पूर्ण केल्यानंतर, मी निवृत्त होण्याची आशा करतो. मी थकलो आहे.” असे म्हणून दिग्दर्शकाने निवृत्ती घेण्याबद्दल आपले मत मांडले.