अ‍ॅक्शन आणि थराराने भरलेला ‘Dhurandhar 2’; 3 तास 55 मिनिटांच्या चित्रपटाला सेन्सॉरकडून हिरवा सिग्नल

रणवीर सिंग, संजय दत्त, आर. माधवन, अर्जुन रामपाल आणि सारा अर्जुन यांचा 'धुरंधर २' हा चित्रपट १९ मार्च रोजी प्रदर्शित होणार आहे. तसेच आता या चित्रपटाला सेन्सॉरकडून प्रमाणपत्र मिळालं आहे.

• अ‍ॅक्शन आणि थराराने भरलेला ‘Dhurandhar 2’
• 3 तास 55 मिनिटांचा चित्रपटाचा रनटाइम
• ‘धुरंधर २’ कधी होणार प्रदर्शित?

 

अनेक दिवसांपासून चाहते रणवीर सिंगच्या मल्टीस्टारर “धुरंधर २” चित्रपटाची आतुरतेने वाट पाहत आहेत. हा चित्रपट १९ मार्च रोजी प्रदर्शित होणार आहे, परंतु तो आधीच मोठ्या प्रमाणात चर्चेत आहे. तसेच हा चित्रपट जगभरात एकाच वेळी प्रदर्शित होणार आहे. १८ मार्च रोजी पेड प्रिव्ह्यू देखील होणार आहेत, ज्यासाठी अ‍ॅडव्हान्स बुकिंग सुरु झाली आहे. आणि या चित्रपटाने भरभरून कमाई रिलीजआधीच केली आहे. आता, चित्रपटाच्या सेन्सॉर प्रमाणपत्राबाबत एक मोठी अपडेट समोर आली आहे. आयर्लंड सेन्सॉर बोर्डाने ‘धुरंधर २’ ला त्याचे प्रमाणपत्र दिले आहे, ज्यामध्ये चित्रपटाबद्दल काही महत्त्वाची माहिती उघड झाली आहे.

बॉलिवूडवर पसरली शोककळा, ‘लंबी जुदाई’ फेम अभिनेत्री मधु मल्होत्रा यांनी 72 व्या वर्षी घेतला अखेरचा श्वास

आयर्लंड फिल्म क्लासिफिकेशन ऑफिस किंवा आयर्लंड सेन्सॉर बोर्डने रणवीर सिंगच्या चित्रपटाला १८ रेटिंग दिले आहे, म्हणजेच हा चित्रपट फक्त प्रौढांसाठी योग्य आहे. या चित्रपटात तीव्र अ‍ॅक्शन सीक्वेन्स असण्याची अपेक्षा आहे. बोर्डाच्या वेबसाइटनुसार, यात क्रूर अ‍ॅक्शन सीक्वेन्स, तीव्र हिंसाचार, अश्लील भाषा आणि सौम्य नग्नता हे सगळे दृश्य दिसणार आहे. हे लक्षात घेण्यासारखे आहे की गेल्या वर्षी ५ डिसेंबर रोजी प्रदर्शित झालेल्या ‘धुरंधर’ चित्रपटालाही ए प्रमाणपत्र मिळाले होते.

‘धुरंधर २’चे ‘धुरंधर’पेक्षा मोठा स्क्रिन टाइम

‘धरंधर २’ च्या रनटाइमबद्दल बऱ्याच काळापासून अटकळ बांधली जात होती. आता, आयर्लंड सेन्सॉर बोर्डाच्या प्रमाणपत्राने ‘धुरंधर २’ हा चित्रपट सुमारे चार तासांचा असेल असे निश्चित केले आहे. चित्रपटाचा रनटाइम अंदाजे २३५ मिनिटे आहे, म्हणजेच तो ३ तास ​​५५ मिनिटे मोठा असणार असल्याचे वृत्त आहे. या रनटाइमसह, धुरंधर २ पहिल्या भागाच्या लांबीपेक्षा जास्त आहे. तो पहिल्या भागापेक्षा अंदाजे ३० मिनिटे जास्त असेल, जिथे तो २१४ मिनिटांचा होता.

बॉक्स ऑफिसवर मोठा धमाका! रणवीर सिंगच्या Dhurandhar 2 ने केला 4 लाख तिकीट विक्रीचा टप्पा पार

‘धुरंधर २’ पहिल्या दिवशी सर्व रेकॉर्ड मोडणार

आदित्य धर दिग्दर्शित, ‘धुरंधर २’ हा चित्रपट बॉलीवूडमधील सर्वात यशस्वी फ्रँचायझींपैकी एक मानला जात आहे. पहिल्या भागाने जगभरात १३ अब्ज डॉलर्सची कमाई केली आहे आणि आता दुसऱ्या भागाने रिलीज होण्यापूर्वीच धमाल केली आहे. या चित्रपटाने आधीच २८ कोटींहून अधिक ॲडव्हान्स बुकिंग केली असून, निर्मात्यांना मालामाल केले आहे. रिलीज होण्यासाठी अजून चार दिवस बाकी आहेत. हे स्पष्ट आहे की हा चित्रपट पहिल्या दिवशी सर्वाधिक कमाई करणारा हिंदी चित्रपट बनण्याच्या तयारीत आहे. ‘धुरंधर’मध्ये संजय दत्त, अर्जुन रामपाल, सारा अर्जन आणि आर. माधवन यांच्याही भूमिका प्रेक्षकांना पाहायला मिळणार आहेत.