(फोटो सौजन्य - सोशल मीडिया)
प्रसिद्ध रॅपर बादशाहला आता लॉरेन्स बिश्नोई टोळीकडून त्याच्या “टेट्टीरी” गाण्याबद्दल जीवे मारण्याच्या धमक्या मिळाल्या आहेत. महिला आयोगाने यापूर्वी त्याच्या अटकेचे आदेश दिले होते. हरियाणा पोलिसांना तपासात सहकार्य न केल्यास त्याला अटक करण्याचे आणि परदेशात प्रवास केल्यास त्याचा पासपोर्ट जप्त करण्याचे आदेश देण्यात आले होते. आता, त्याला एका सोशल मीडिया पोस्टद्वारे धमकी देण्यात आली आहे, ज्यामध्ये असे म्हटले आहे की त्याला यापूर्वी फोनवरून इशारा देण्यात आला होता.
फेसबुकवर ‘रणदीप मलिक अनिल पंडित’ या नावाच्या अकाउंटवरून करण्यात आलेल्या धमकीच्या पोस्टमध्ये असे लिहिले आहे, “जय महाकाल… जय श्रीराम. सर्व भावांना राम राम. आज असंध रोड, पानिपत येथील गॅरी आणि शॅंकी यांच्या वेस्टर्न युनियन ऑफिसवर झालेल्या गोळीबारामागे आम्ही रणदीप मलिक आणि अनिल पंडित (यूएसए) आहोत. हे लोक हवाला मार्गे देशाचा पैसा परदेशात पाठवून देशाच्या अर्थव्यवस्थेला नुकसान पोहोचवत होते.”
बादशाहला लॉरेन्स बिश्नोई टोळीकडून धमकी
पोस्टमध्ये पुढे असेही लिहिले आहे, “तो खूप मोठ्या प्रमाणात हवाला व्यवहार करतो. आम्ही त्याला फोन करून आधीच इशारा दिला होता, पण त्याने ते गांभीर्याने घेतले नाही. त्यामुळे हे फक्त ट्रेलर आहे, अजून चित्रपट बाकी आहे. हवाला व्यवहार करणाऱ्या इतरांनीही वेळेत सुधरावे, नाहीतर सर्वांचा शेवट खूप वाईट होईल. नोट – सिंगर बादशाह, तू हरियाणाची संस्कृती खराब करण्याचा प्रयत्न केला आहेस. यापूर्वी २०२४ मध्ये तुझ्या क्लबवर आम्ही ट्रेलर दाखवला होता. यावेळी थेट तुझ्या कपाळावर गोळी मारू.”
बादशाहच्या “टेट्टीरी” मधील एक आक्षेपार्ह ओळ
धमकी देणारा हा व्यक्ती स्वतःला लॉरेन्स बिश्नोई टोळीचा सदस्य असल्याचे सांगत आहे. रॅपर बादशाहच्या हरियाणवी गाणे ‘टटीरी’मधील एका ओळीवर काही लोकांनी आक्षेप घेतला आहे. त्या गाण्याचे बोल आहेत, “आया बादशाह डोली चढाने, इन सबकी घोड़ी बनाने.” या ओळीमुळे हरियाणातील महिलांचे अश्लील आणि अपमानास्पद चित्रण होत असल्याचा काहींचा आरोप आहे. वाद वाढल्यानंतर बादशाहने हे गाणे सोशल मीडियावरून हटवले. तसेच एका व्हिडिओद्वारे त्याने सर्वांची माफीही मागितली.
Pavitra Puniaच्या मिस्ट्री मॅनचा चेहरा समोर, ५ महिन्यांनंतर दाखवली पहिली झलक, कोण आहे जसकोमल सिंग?
बादशाहच्या गाण्यावरून वाद
हरियाणा पोलिसांनी बादशाहविरुद्ध एफआयआर दाखल केल्यापासून वाद सुरू झाला. पोलिसांच्या म्हणण्यानुसार, गाण्याच्या व्हिडिओमध्ये शाळेच्या गणवेशातील मुली हरियाणा रोडवेज बसमध्ये नाचताना आणि आक्षेपार्ह वाटणारे हावभाव आणि शब्द वापरताना दिसले आहेत. या आधारे, पोलिसांनी बादशाहविरुद्ध गुन्हा दाखल केला आणि त्याच्याविरुद्ध लूकआउट नोटीस जारी करण्याची प्रक्रिया सुरू केली आहे.
.png "Videos"){kind=small}
