बेंगळुरू कॉन्सर्ट वादावर गायक सोनू निगमने सोडले मौन, व्हिडीओ शेअर करून दिले स्पष्टीकरण!

बेंगळुरूमधील संगीत कार्यक्रमाच्या वादावर सोनू निगमने आपले मौन सोडले आहे. व्हिडिओ शेअर करून गायकाने स्पष्टीकरण दिले आहे. आता नेमकं संपूर्ण प्रकरण काय आहे हे आपण जाणून घेणार आहोत.

प्रसिद्ध बॉलिवूड गायक सोनू निगम सध्या त्याच्या अलिकडच्या बेंगळुरू कॉन्सर्टमुळे चर्चेत आहे. अलिकडेच, बेंगळुरूच्या ईस्ट पॉइंट कॉलेज ऑफ इंजिनिअरिंग अँड टेक्नॉलॉजीमध्ये झालेल्या या संगीत कार्यक्रमात एका तरुणाने वारंवार कन्नड गाणे गाण्याची मागणी केली. सोनूने या मागणीला केवळ धमकी देणारे म्हणत विरोध केला नाही तर पहलगाम दहशतवादी हल्ल्याचा संदर्भ देत एक विधान केले ज्यामुळे कन्नड समुदाय संतप्त झाला. कन्नड समर्थक संघटनांनी त्यांच्याविरुद्ध पोलिस तक्रार दाखल केली आणि हा त्यांच्या भाषेचा आणि संस्कृतीचा अपमान असल्याचे त्यांनी म्हटले. आता सोनूने या प्रकरणावर स्पष्टीकरण दिले आहे. त्यांनी म्हटले आहे की त्यांचा हेतू संपूर्ण कन्नड समुदायाला दुखावण्याचा नव्हता. आता गायक नेमकं व्हिडीओ शेअर करून काय म्हणाला आपण जाणून घेऊयात.

बेंगळुरूमधील संगीत कार्यक्रमात झाला वाद
बेंगळुरूमध्ये झालेल्या या संगीत कार्यक्रमात सोनू निगम परफॉर्म करत असताना एका तरुणाने ‘कन्नड-कन्नड’ असे मोठ्याने ओरडून कन्नड गाणे गाण्याची मागणी केली. सोनूने ही मागणी अनादरपूर्ण आणि धमकीदायक असल्याचे म्हटले. त्यांनी संगीत कार्यक्रम थांबवला आणि प्रेक्षकांना सांगितले, “मी माझ्या कारकिर्दीत अनेक भाषांमध्ये गाणी गायली आहेत, पण माझी सर्वोत्तम गाणी कन्नडमध्ये आहेत. मी नेहमीच प्रेम आणि आदराने कर्नाटकात येतो. तुम्ही मला तुमच्या कुटुंबासारखे प्रेम केले आहे, पण मला हे आवडले नाही की एक मुलगा, जो त्याच्या कारकिर्दीत माझ्यापेक्षा लहान आहे, तो मला धमकावत आहे आणि कन्नड गाणे गाण्यास सांगत आहे.” यावेळी सोनूने एक वादग्रस्त विधानही केले. तो म्हणाला, “पहलगाममध्ये जे घडले ते म्हणूनच घडते. आधी तुमच्या समोर कोण उभे आहे ते पहा. मला कन्नड भाषिक लोक खूप आवडतात.” कन्नड कार्यकर्त्यांनी याला त्यांची भाषा आणि सांस्कृतिक अभिमान दहशतवादाशी जोडण्याचा प्रयत्न असल्याचे म्हटले आहे.

प्रसिद्ध टिव्ही अभिनेत्रीने दिला गोंडस बाळाला जन्म, लग्नाच्या काही वर्षांनी झाले कपल आई- बाबा

कन्नड समुदायाने व्यक्त केली नाराजी
सोनूचे हे विधान सोशल मीडियावर व्हायरल झाले, त्यानंतर कन्नड समुदायात संताप पसरला. कर्नाटक रक्षा वेदिके (KRV) चे बेंगळुरू जिल्हा अध्यक्ष धर्मराज ए यांनी सोनूविरोधात अवलहल्ली पोलिस ठाण्यात तक्रार दाखल केली. तक्रारीत म्हटले आहे की, “सोनू निगम यांचे विधान केवळ असंवेदनशीलच नाही तर धोकादायक देखील आहे. एका साध्या सांस्कृतिक मागणीला दहशतवादी घटनेशी जोडून त्यांनी कन्नड भाषिक लोकांना असहिष्णु आणि हिंसक म्हणून चित्रित केले आहे, जे त्यांच्या शांतताप्रिय स्वभावाच्या विरुद्ध आहे.”

 

See more

सोनू निगमने दिले स्पष्टीकरण
वाद वाढल्यानंतर, सोनू निगमने इंस्टाग्रामवर एक व्हिडिओ शेअर करून आपला मुद्दा मांडला आहे. ते म्हणाले, “संगीताच्या कार्यक्रमात चार-पाच लोक ‘कन्नड-कन्नड’ असे ओरडत होते, तर हजारो लोक त्यांना थांबवत होते आणि संगीत कार्यक्रमात व्यत्यय आणू नका असे सांगत होते. त्या पाच लोकांना हे आठवण करून देणे आवश्यक होते की जेव्हा दहशतवाद्यांनी पहलगाममध्ये लोकांना मारले तेव्हा कोणाचीही भाषा विचारली गेली नाही.”असं गायक या व्हिडीओमध्ये स्पष्टीकरण देताना आता दिसत आहे.

पहलगाम हल्ल्यानंतर भारतात ‘अबीर गुलाल’वर बंदी, वाणी कपूरने उचललं ‘हे’ मोठं पाऊल

गायकाने कन्नड भाषिक लोकांचे कौतुक केले
सोनू पुढे म्हणाला, “कन्नड लोक मला खूप प्रेमळ आहेत. कृपया संपूर्ण समुदायाला या चार-पाच लोकांशी जोडू नका. काही लोक सर्वत्र गैरवर्तन करत आहेत, पण आपल्याला त्यांना थांबवावे लागेल. मी नेहमीच कर्नाटकात एक तासाचा कन्नड गाण्यांचा सेट घेऊन येतो, पण जे लोक चिथावणी देण्याचे काम करतात, त्यांना ताबडतोब थांबवणे आवश्यक आहे नाहीतर हे लोक नंतर मोठी समस्या बनतील.” त्यांनी असेही म्हटले की त्यांचा हेतू भाषेवर आधारित आक्रमकता थांबवणे आहे, कन्नड संस्कृतीवर टीका करणे नाही.