साकार राऊत दिग्दर्शित “राजवीर” चित्रपटाचा ट्रेलर लाँच, बॉडीबिल्डर सुहास खामकर दिसणार मुख्यभूमीकेत!

'भारतश्री' विजेता विख्यात बॉडीबिल्डर सुहास खामकर आता रुपेरी पडद्यावर प्रेक्षकांचं मनोरंजन करण्यासाठी सज्ज झाला आहे. तसेच या अभिनेताचा राजवीर" चित्रपटाचा ट्रेलर लाँच झाला आहे.

‘भारतश्री’ विजेता विख्यात बॉडीबिल्डर सुहास खामकर आता रुपेरी पडद्यावर झळकणार आहे. अभिनेत्याने सिनेमा क्षेत्रात पदार्पण केले असून, “राजवीर” चित्रपटाचा ट्रेलर नुकताच लाँच झाला असून, हा चित्रपट हिंदी भाषेत प्रदर्शित केला जाणार आहे. बॉडीबिल्डर सुहास खामकर सारखा दमदार अभिनेता हिंदी सिनेमासृष्टीला प्राप्त झाला आहे. “राजवीर” हा चित्रपट आयपीएस अधिकाऱ्याची कथा मांडणारा आहे. या भूमिकेत बॉडीबिल्डर सुहास खामकर चाहत्यांना दिसणार आहे. बॉडीबिल्डर सुहास खामकरचा हा पहिलाच चित्रपट असून यासाठी अभिनय खूप उत्साही आहे.

पोलिस अधिकाऱ्यानं एखादं ध्येय निश्चित केलं असेल, तर ते पूर्ण करण्यासाठी तो कोणत्याही थराला जाऊ शकतो. अशाच एका ध्येयानं प्रेरित असलेल्या पोलिस अधिकाऱ्याची रंजक गोष्ट ‘राजवीर’ या चित्रपटातून उलगडणार आहे. ॲक्शनपॅक्ड या चित्रपटाचा धमाकेदार ट्रेलर लाँच करण्यात आला आहे. त्यामुळे या चित्रपटाविषयीची उत्सुकता वाढली आहे. प्रेक्षकांना या चित्रपटामध्ये नवीन अनुभव पाहायला मिळणार आहे. तसेच या चित्रपटामध्ये अनेक नवे कलाकार काम करताना दिसणार आहे.

अर्थ स्टुडिओ यांनी सारा मोशन पिक्चर्स आणि रुचिका तोलानी प्रॉडक्शन्स, समृद्धी मोशन पिक्चर्स यांच्या सहकार्याने राजवीर चित्रपटाची प्रस्तुती केली आहे. साकार प्रकाश राऊत, ध्वनि साकार राऊत, गौरव परदासनी, सूर्यकांत बाजी चित्रपटाचे निर्माते, तर रुचिका तोलानी सूचक सहनिर्मात्या आहेत. साकार राऊत, स्वप्नील देशमुख यांनी चित्रपटाचं दिग्दर्शन केलं आहे. चित्रपटाची कथा, पटकथा, संवादलेखन साकार राऊत, जेकॉब आणि पॉल कुरियन, माज खान यांनी केलं आहे. भूषण वेदपाठक यांनी छायांकन, अभिनंदन गायकवाड, होपून सैकिया यांनी या चित्रपटाची संगीत दिग्दर्शन केले आहे. तसेच साकार राऊत, कश्यप कुलकर्णी यांनी या चित्रपटाचे संकलन केलं आहे.

बॉलीवूड सिनेमासंबंधित बातमी वाचण्यासाठी इथे क्लीक करा 

“राजवीर” चित्रपटात सुहास खामकरसह झाकीर हुसैन, गौरव परदासनी, प्राशी अवस्थी, धीरज सानप यांच्या प्रमुख भूमिका आहेत. हे सगळे कलाकार मंडळी चाहत्यांना वेगळा अनुभव आणि कथा दाखण्यासाठी सज्ज झाले आहेत. या चित्रपटाच्या ट्रेलर लाँचनंतर आता प्रेक्षकांच्या मनात हा चित्रपटात पाहण्याची उत्सुकता निर्माण झाली आहे. हा चित्रपट लवकरच प्रेक्षकांच्या भेटीस येणार आहे.

या चित्रपटामध्ये ड्र्ग्जच्या ओव्हरडोसमुळे एकचा मृत्यू झाला असल्यानं राजवीर हा आयपीएस अधिकारी ड्रग्जचं रॅकेट उद्ध्वस्त करण्याचा निश्चय करतो. त्याच्या या ध्येयामध्ये अनेक अडथळे, आव्हाने, संकटे येतात. या संकटांना तोंड देत तो त्याचं ध्येय साध्य करतो का, या आशयसूत्रावर राजवीर हा चित्रपट बेतला आहे. अत्यंत तडफदार व्यक्तिमत्त्व असलेल्या सुहास खामकरनं राजवीर ही आयपीएस अधिकाऱ्याची भूमिका साकारली आहे. बॉडीबिल्डर असलेला सुहास खामकर या चित्रपटात धडाकेबाज अॅक्शन सिक्वेन्स करताना ट्रेलरमध्ये दिसून येत आहे. म्हणूनच राजवीर मोठ्या पडद्यावर चित्रपटगृहात जाऊन पाहायला प्रेक्षकांना मज्जा येणार आहे.