Tere Ishk Mein: कृती सेनन-धनुषच्या केमिस्ट्रीसाठी चाहते उत्सुक, ॲडव्हान्स बुकिंगमध्ये केली एवढी कमाई

कृती सेनन आणि धनुष यांचा 'तेरे इश्क में' हा चित्रपट थिएटरमध्ये प्रदर्शित होण्यासाठी सज्ज आहे. चित्रपटाची ॲडव्हान्स बुकिंग आधीच सुरू झाली आहे. तसेच या चित्रपटाला ॲडव्हान्स बुकिंगमध्ये चाहत्यांचा चांगला प्रतिसाद मिळाला आहे

• कृती आणि धनुषच्या केमिस्ट्रीसाठी चाहते उत्सुक
• ‘तेरे इश्क में’चे ॲडव्हान्स बुकिंग जोरदार
• ॲडव्हान्स बुकिंगमध्ये केली एवढी कमाई

 

बॉलीवूड अभिनेत्री कृती सेनन आणि साऊथ सुपरस्टार धनुष पहिल्यांदाच एकाच चित्रपटात एकत्र काम करताना दिसणार आहेत. आणि या दोघांच्या आगामी चित्रपटाची प्रेमकहाणी खूप खास असणार आहे. आनंद एल. रॉय दिग्दर्शित ‘तेरे इश्क में’ हा चित्रपट २८ नोव्हेंबर रोजी थिएटरमध्ये प्रदर्शित होणार आहे. चाहते या चित्रपटाची आतुरतेने वाट पाहत आहेत. बऱ्याच काळानंतर, चाहत्यांना नवी प्रेमकहाणी पाहायला मिळणार आहे. जी पाहण्यासाठी चाहते खूप उत्सुक आहेत. तेरे इश्क में’चे ॲडव्हान्स बुकिंग सुरू झाले आहे आणि अवघ्या एका दिवसात चित्रपटाने चांगली कमाई केली आहे.

Bigg Boss 19 : हे स्पर्धक टिकट टू फिनाले टास्कसाठी बनले दावेदार, हे नाव तुम्हाला करेल आश्चर्यचकित

‘तेरे इश्क में’चा ट्रेलर प्रदर्शित झाल्यापासून, सर्वत्र या चित्रपटाचीच चर्चा सुरु आहे. धनुष पुन्हा एकदा एका नवीन अवतारात प्रेक्षकांना नव्या भूमिकेत दिसणार आहे. लोकांना अजूनही ‘रांझणा’मधील त्याचा अभिनय आठवत आहे, जिथे त्याने त्याच्या अभिनयाने सर्वांना प्रभावित केले. आता अभिनेता पुन्हा प्रेक्षकांना नवीन काय देतो हे जाणून घेण्यासाठी चाहते उत्सुक आहेत.

 

See more

अ‍ॅडव्हान्स बुकिंगमध्ये केली एवढी कमाई

कृती सेनन आणि धनुषच्या ‘तेरे इश्क में’चे ॲडव्हान्स बुकिंग २४ नोव्हेंबर रोजी सुरू झाले. आनंद एल. रॉय यांनी सोशल मीडियावर अ‍ॅडव्हान्स बुकिंगची घोषणा करणारी पोस्ट शेअर केली. एक व्हिडिओ शेअर करताना अभिनेत्याने लिहिले, “आपण वर्षानुवर्षे या कथेसह आणि त्यातील पात्रांसह जगत आहोत… आता तुमची वेळ आली आहे. ॲडव्हान्स बुकिंग सुरू झाले आहे. हा चित्रपट २८ नोव्हेंबर रोजी तेलुगू, तमिळ आणि हिंदीमध्ये जगभरात प्रदर्शित होत आहे.” असे लिहून त्यांनी ही पोस्ट शेअर केली आहे.

हेमा मालिनीला ना मिळणार संपत्ती, ना ही पेन्शन; ‘या’ कारणामुळे अभिनेत्री इस्टेटमधून पडली बाहेर

सॅकनिल्कच्या अहवालानुसार, ‘तेरे इश्क में’ चित्रपटाने पहिल्या दिवशी ब्लॉक सीट्ससह ₹१७.४ दशलक्ष कमाई केली. आतापर्यंत १६,८५७ तिकिटे विकली गेली आहेत. जर तेरे इश्क में चे ॲडव्हान्स बुकिंग याच वेगाने सुरू राहिले तर चित्रपट पहिल्या दिवशी १२-१५ कोटी रुपये कमवू शकेल. चित्रपटाची चर्चा सुरू आहे आणि संपूर्ण टीम त्याचे जोरदार प्रमोशन करण्यात व्यस्त आहे.