‘Thamma’ चित्रपटाने बॉक्स ऑफिसवर घातला धुमाकूळ, २ दिवसांत ५० कोटींच्या क्लबमध्ये सामील

आयुष्मान खुरानाचा "थामा" हा चित्रपट बॉक्स ऑफिसवर धुमाकूळ घालत आहे. दुसऱ्या दिवशीही या चित्रपटाने त्याच्या प्रभावी कमाईने सर्वांना आश्चर्यचकित केले आहे. तसेच या चित्रपटाची आतापर्यंतची कमाई आपण जाणून घेऊयात.

• ‘Thamma’ चित्रपटाने बॉक्स ऑफिसवर घातला धुमाकूळ
• २ दिवसांत ५० कोटींच्या क्लबमध्ये सामील
• चित्रपटाचे बजेट किती आहे?

२०२५ ची दिवाळी आयुष्मान खुराना आणि रश्मिका मंदाना या दोघांची मोठ्या धमक्यात जाणार आहे. त्यांचा “थम्मा” हा चित्रपट चित्रपटगृहात येताच हिट ठरला आहे. या हॉरर-कॉमेडी चित्रपटाने पुन्हा एकदा सर्वांची मने जिंकली आहेत आणि सर्वांना मोहित केले आहे. लोक चित्रपटाकडे गर्दी करत आहेत आणि त्याला उत्स्फूर्त प्रतिसाद मिळत आहे. परिणामी, चित्रपटाने अवघ्या दोन दिवसांत ५० कोटींच्या जवळ पोहोचला आहे.

एजाज खान नंतर Pavitra Punia पुन्हा पडली प्रेमात, बिझनेसमनसोबत होणार लग्न, साखरपुड्याचे खास Photo सोशल मीडियावर!

आयुष्मान खुराना आणि रश्मिका मंदाना यांच्या अभिनयाने लोक प्रभावित झाले आहेत आणि सर्वजण त्यांचे कौतुक करत आहेत. महत्त्वाचे म्हणजे, हा चित्रपट आयुष्मान खुरानाच्या कारकिर्दीतील सर्वाधिक ओपनिंग करणारा चित्रपट ठरला आहे. चित्रपटाला मिळत असलेल्या प्रेमावरून, तो एका आठवड्यात त्याचे बजेट मिळवेल अशी अपेक्षा आहे. चित्रपटाच्या दुसऱ्या दिवसाच्या कलेक्शनवर आपण आता जाणून घेणार आहोत.

 

दोन दिवसांत चित्रपटाची एवढी कमाई
“थम्मा” च्या बॉक्स ऑफिस कलेक्शनबद्दल बोलायचे झाले तर, त्याने पहिल्या दिवशी २४ कोटींची कमाई केली. सॅकनिल्कच्या सुरुवातीच्या अहवालांनुसार, चित्रपटाने दुसऱ्या दिवशी १८ कोटींची कमाई केली, ज्यामुळे त्याचे एकूण कलेक्शन ४२ कोटींवर पोहोचले आहे. या चित्रपटाने अवघ्या दोन दिवसांतच प्रचंड कमाई केली आहे, जवळपास ₹५० कोटींचा गल्ला जमवला आहे.

Haq Movie Song: इमरान हाशमी पहिल्यांदाच या अभिनेत्रीसोबत करणार रोमांस,‘हक’मधील नवीन गाणं ‘कुबूल’ झाले रिलीज!

चित्रपटाचे बजेट किती आहे?
रिपोर्ट्सनुसार, ‘थामा’ हा चित्रपट १४५ कोटी रुपयांच्या बजेटमध्ये बनवण्यात आला होता. या चित्रपटाने फक्त दोन दिवसांतच त्याच्या बजेटचा मोठा भाग वसूल केला आहे. पहिल्या आठवड्याच्या शेवटी तो त्याच्या बजेटचा मोठा भाग वसूल करेल अशी अपेक्षा आहे. सुट्ट्यांमुळे, ‘थमा’चे संपूर्ण बजेटही वसूल करू शकते. ‘थामा’ चित्रपटाच्या स्टारकास्टबद्दल बोलायचे झाले तर, आयुष्मान खुरानासोबत रश्मिका मंदान्ना आणि नवाजुद्दीन सिद्दीकी यांच्या महत्त्वाच्या भूमिका आहेत. हा चित्रपट मॅडॉकच्या हॉरर-कॉमेडी विश्वाचा भाग आहे.