दिग्दर्शकाने रेखाच्या डोळ्यात अमिताभसाठी पाहिले प्रेम, बिग बींना लग्नासाठी दिला सल्ला; काय म्हणाले?

अमिताभ बच्चन आणि रेखा यांनी ११ चित्रपटांमध्ये एकत्र काम केले होते, त्यातील शेवटचा चित्रपट 'सिलसिला' होता. उमराव जानचे दिग्दर्शक मुझफ्फर अली यांनी अमिताभ बच्चन यांना रेखासोबत लग्न करण्याचा सल्ला दिला होता.

अमिताभ बच्चन आणि रेखा यांनी त्यांच्या कारकिर्दीत सुमारे ११ चित्रपटांमध्ये एकत्र काम केले आहे. सिलसिला हा शेवटचा चित्रपट होता ज्यामध्ये ते दोघेही एकत्र दिसले आणि नंतर ते पुन्हा कधीही एकत्र दिसले नाहीत. प्रत्येकाने त्यांची मैत्री आणि मैत्रीपेक्षा जास्त असलेले नाते पाहिले आहे. बऱ्याच वेळा इंडस्ट्रीतील लोकांकडून मोठ्या मोठ्या गोष्टी ऐकायला मिळतात ज्यामुळे प्रेक्षक चकीत होतात. अलिकडेच, रेखा यांच्या उमराव जान चित्रपटाच्या दिग्दर्शकाचा एक खुलासदायक गोष्ट समोर आली आहे.

१९८१ हे वर्ष रेखासाठी खूप खास होते. त्या वर्षी तिचा उमराव जान आणि सिलसिला प्रदर्शित झाला. सिलसिला तिच्यासाठी आणि हिंदी चित्रपट प्रेमींसाठी खूप खास होता. एकदा ‘उमराव जान’चे दिग्दर्शक मुझफ्फर अली यांनी रेखा आणि अमिताभ बच्चन यांच्यातील नात्यावर प्रतिक्रिया दिली होती. ते नक्की या नात्याबद्दल काय म्हणाले होते हे आपण आता जाणून घेणार आहोत.

‘Meesho ची दीपिका…’, अनन्याचा ग्लॅमरस लूक पाहून चाहत्यांचा संताप; कार्तिक आर्यनलाही केले ट्रोल

रेखा स्वतःला विवाहित मानत होती
दिग्दर्शकाने रेखा यांच्या ‘रेखा: द अनटोल्ड स्टोरी’ या चरित्रात रेखा आणि अमिताभ बच्चन यांच्यातील नात्याबद्दल लेखक यासिर उस्मान यांना सांगितले होते की, रेखा ही एक अतिशय संवेदनशील महिला आहे. उमराव जानचे चित्रीकरण सुरू असताना अमिताभ बच्चन अनेकदा सेटवर येत असत. आणखी एक गोष्ट अशी की जेव्हा जेव्हा अमिताभ बच्चनचा उल्लेख केला जात असे तेव्हा रेखा नेहमीच त्यांना ‘अहो जाहो ‘ करत असे. ज्याप्रमाणे महिला स्वतःला विवाहित समजू लागतात तशी अभिनेत्री अभिनेत्याची बोलत होती. मला वाटते की रेखा देखील स्वतःला विवाहित मानत होती.

अमिताभने रेखाशी लग्न करायला हवे होते’
या पुस्तकात लेखक मुझफ्फर अलीबद्दल लिहितात की तो रेखा आणि अमिताभ बच्चन यांच्या सहकाऱ्यांपैकी एक होता जो खूप सरळ आणि स्पष्ट होता. तो म्हणाला, ‘रेखा अमिताभ बच्चनवर प्रेम करते आणि तिला अमिताभ खूप आवडतो.’ त्याने रेखाला ओळखायला हवे होते. अमिताभ बच्चनने रेखाशी लग्न करायला हवे होते.’ असे दिग्दर्शक म्हणाले.

संजय कपूर यांचे अंत्यसंस्कार कधी आणि कुठे होणार? जाणून घ्या संपूर्ण माहिती

रेखा आणि अमिताभच्या अफेअरच्या चर्चा ८० च्या दशकात सामान्य होत्या
तसेच, अमिताभ बच्चन या चित्रपटाआधीच विवाहित होते. त्यांनी १९७३ मध्ये अभिनेत्री जया बच्चनशी लग्न केले. ८० च्या दशकात रेखासोबतच्या त्यांच्या अफेअरच्या बातम्याही सामान्य होत्या. जेव्हा ‘सिलसिला’ चित्रपट प्रदर्शित झाला तेव्हा यश चोप्रा यांनी बीबीसी एशियाला मुलाखत दिली आणि याबद्दल बोलले. सुरुवातीला ‘सिलसिला’ हा चित्रपट फ्लॉप ठरला पण कालांतराने तो एक कल्ट चित्रपट बनला. आजपर्यंत लोक अमिताभ, रेखा आणि जया या त्रिकुटाला विसरू शकलेले नाहीत. त्यातील गाणीही सुपरहिट झाली.