(फोटो सौजन्य- सोशल मीडिया)
आनंद, भेटवस्तू आणि वाईट गोष्टीची सवय सोडून देण्यासाठी दसरा येत आहे. विजयादशमीचा हा पवित्र सण चित्रपट निर्मात्यांची नेहमीच पहिली पसंती राहिली आहे. आणि प्रत्येक वेळी दसऱ्याच्या मुहूर्तावर मोठ्या पडद्यावर एकाच वेळी अनेक चित्रपट प्रदर्शित होत असल्याचे पाहायला मिळाले आहे. यावेळीही त्याच ट्रेंडची पुनरावृत्ती होत असून दसरा डोळ्यासमोर ठेवून चित्रपटगृहात धमाकेदार चित्रपट रिलीज होणार आहेत. हिंदी चित्रपटसृष्टीपासून दक्षिणेकडील चित्रपटांपर्यंत अनेक चित्रपट चित्रपगृहात धुमाकूळ घालताना दिसणार आहेत.
दसऱ्याला चित्रपटगृहांत होणार धमाका
गेल्या वर्षी दसऱ्याच्या मुहूर्तावर कंगना रणौतचा तेजस आणि विक्रांत मॅसीचा 12वा फेल हे चित्रपट थिएटरमध्ये प्रदर्शित झाले होते. मात्र यावेळी दसऱ्याच्या मुहूर्तावर अनेक बडे स्टार्स टक्कर देण्यासाठी सज्ज झाले आहेत. सध्या ज्या दोन चित्रपटांची प्रेक्षक आतुरतेने वाट पाहत आहेत ते म्हणजे आलिया भट्टचा चित्रपट जिगरा रिलीज आणि दुसरा म्हणजे राजकुमार राव आणि तृप्ती डिमरी यांचा विकी विद्या का वो वाला व्हिडिओ. कोणता चित्रपट कोणाला मागे टाकेल हे शुक्रवारचे कलेक्शन आल्यानंतर ठरेल, पण याशिवाय दसऱ्याला प्रदर्शित होणारे अनेक चित्रपट आहेत.
तसेच, या चित्रपटांसह प्रेक्षक ‘मार्टिन’ची देखील वाट पाहत आहेत, जो 2024 सालचा सर्वात मोठा ॲक्शन चित्रपट असणार आहे. ध्रुव सर्जा स्टारर मार्टिन 11 ऑक्टोबर रोजी संपूर्ण भारतात रिलीज होणार आहे. या चित्रपटाचे बजेट 150 कोटी रुपये आहे. हा चित्रपट कन्नड, हिंदी, तमिळ, तेलुगू, मल्याळम आणि बंगाली भाषेत प्रदर्शित होणार आहे. जो पाहण्यासाठी चाहते आतुर आहेत.
हे देखील वाचा- वडिलांना बनवायचे होते टेलर पण मुलाने निवडले बॉलीवूड; मुलीलाही केले सुपरस्टार, पहा ‘हा’ अभिनेता कोण?
आलिया भट्ट, राजकुमार राव, रजनीकांत आणि सुधीर बाबू यांसारख्या कलाकारांचे चित्रपट रिलीज होणार असून प्रेक्षकांना दसऱ्याला चित्रपटांचा भांडार पाहायला मिळणार आहे. आलिया भट्ट चा ‘जिगरा’ चित्रपट आज ११ ऑक्टोबरला रिलीज होणार असून, राजकुमार राव आणि तृप्ती डिमरी यांचा ‘विकी विद्या का वो वाला व्हिडिओ’ देखील आजच चित्रपटगृहात धमाका घालणार आहे.
.png "Videos"){kind=small}
