Waves 2025: बॉलिवूड इंडस्ट्रीबद्दल आमिर आणि शाहरुखने चिंता केली व्यक्त, म्हणाले- ‘फक्त २% लोक आमचे सुपरहिट चित्रपट…’

बॉलिवूड मधील दोन जबरदस्त अभिनेते आमिर खान शाहरुख खानने बॉलिवूड इंडस्ट्री आणि थिएटरबाबत चिंता व्यक्त केली आहे. अभिनेता म्हणाला की लहान शहरे आणि गावांमध्ये स्वस्त थिएटर बांधणे खूप महत्वाचे आहे.

शुक्रवारी मुंबईतील जिओ कन्व्हेन्शन सेंटरमध्ये आयोजित ‘वर्ल्ड ऑडिओ व्हिज्युअल अँड एंटरटेनमेंट समिट’मध्ये आमिर खान म्हणाला की, भारतात चित्रपटांची पोहोच वाढवण्यासाठी आणि हिंदी चित्रपट पुन्हा यशस्वी करण्यासाठी, देशात अधिक चित्रपटगृहे बांधणे महत्त्वाचे आहे. काल, गुरुवारी वेव्हज २०२५ मध्ये, शाहरुख खानने अधिक आणि स्वस्त थिएटर बांधण्याच्या गरजेबद्दल देखील आपले मत व्यक्त केले आहे.

आमिर खान म्हणाला की अधिक स्क्रीन टाईमची गरज
समिट दुसऱ्या दिवशी, अभिनेता आमिरने “भविष्यातील स्टुडिओ: भारताला जागतिक स्टुडिओ नकाशावर आणणे’ या शीर्षकाच्या सत्रात भाग घेतला. यावेळी त्यांनी सांगितले की, चित्रपट उद्योगाला पुढे नेण्यासाठी नाट्य आणि तंत्रज्ञानाच्या पायाभूत सुविधांमध्ये अधिक गुंतवणूक करणे आवश्यक आहे.

आमिर म्हणाला, “मला वाटतं की भारताला खूप नवीन थिएटरची गरज आहे आणि सर्व प्रकारची थिएटर बांधली पाहिजेत. देशातील अनेक भागात एकही थिएटर नाही. गेल्या अनेक वर्षांपासून आपण ज्या समस्या पाहत आहोत त्या कमी स्क्रीनमुळे आहेत. आपण यामध्ये गुंतवणूक केली पाहिजे. भारतात खूप क्षमता आहे, परंतु जोपर्यंत जास्त स्क्रीन नसतील तोपर्यंत लोक चित्रपट पाहू शकणार नाहीत.” असं अभिनेता म्हणाला.

विजय देवेराकोंडा अडकला अडचणीत, अभिनेत्यावर लेखी तक्रार दाखल; जाणून घ्या काय आहे प्रकरण?

आमिरने सांगितले की, भारत अमेरिका आणि चीनपेक्षा खूप मागे आहे. अमेरिकेची लोकसंख्या भारताच्या एक तृतीयांश असूनही, भारतात सुमारे १०,००० स्क्रीन आहेत, तर चीनमध्ये ९०,००० आणि अमेरिकेत ४०,००० स्क्रीन आहेत. अभिनेता पुढे म्हणाला, “भारतात असलेल्या १०,००० स्क्रीनपैकी निम्मे स्क्रीन दक्षिण भारतात आहेत आणि उर्वरित संपूर्ण देशात आहेत. म्हणूनच हिंदी चित्रपटांसाठी फक्त ५,००० स्क्रीन उपलब्ध आहेत. आणि हेच कारण आहे की लोकसंख्येच्या फक्त २% लोक आपले सर्वात मोठे हिट चित्रपट पाहण्यासाठी थिएटरमध्ये जातात. मग ९८% लोक कुठे आणि कसे चित्रपट पाहणार?” असा प्रश्न अभिनेत्याने उपस्थित केला आहे.

आमिरने असेही म्हटले की, कोकणसारख्या देशातील अनेक भागात एकही थिएटर नाही. या चर्चेत त्यांच्यासोबत रितेश सिधवानी, दिनेश विजन, नमित मल्होत्रा, पीव्हीआर-आयएनएक्सचे अजय बिजली आणि हॉलिवूड चित्रपट निर्माते चार्ल्स रोवन असे अनेक प्रसिद्ध चित्रपट निर्माते आणि चित्रपट उद्योगातील लोक होते.

R Madhavan चं NCERT च्या अभ्यासक्रमावर केले प्रश्नचिन्ह उपस्थित, हिंदू-बौद्ध धर्मावरही केले भाष्य…

शाहरुख खानने स्वस्त थिएटरची गरजही व्यक्त केली
समिटच्या पहिल्या दिवशी, शाहरुख खान म्हणाला की, लहान शहरे आणि गावांमध्ये अधिक आणि स्वस्त थिएटर बांधणे खूप महत्वाचे आहे. करण जोहरच्या प्रश्नाला उत्तर देताना ते म्हणाले की, यामुळे चित्रपट कमी किमतीत अधिक लोकांपर्यंत पोहोचणे शक्य होईल. शाहरुख म्हणाला, “मला वाटते की आता लहान शहरांमध्ये स्वस्त थिएटर बांधण्याची गरज आहे जेणेकरून अधिकाधिक लोक प्रत्येक भाषेतील चित्रपट पाहू शकतील. अन्यथा हे सर्व आता मोठ्या शहरांपुरते मर्यादित आहे आणि खूप महाग होत आहे.” गेल्या पाच वर्षांत हिंदी चित्रपटांनी बॉक्स ऑफिसवर फारच कमी कमाई केली आहे. या काळात, काही निवडक चित्रपटांनीच चांगली कमाई केली आहे.