आशुतोष गोवारीकर यांच्या घरी लगीनघाई, मोठा मुलगा लवकरच अडकणार लग्नबंधनात

आशुतोष गोवारीकर यांचा मोठा मुलगा कोणार्क गोवारीकर गर्लफ्रेंडसोबत येत्या २ मार्च रोजी लग्नगाठ बांधणार आहे. कोणार्क नामांकित रिअल इस्टेट डेव्हलपर रसेश बाबुभाई कनकिया यांची कन्या नियती कनकियाशी लग्न करणार आहे. कोणार्क आणि नियती यांचा लग्न सोहळा मुंबईत भव्यदिव्य पद्धतीने पार पडणार आहे. मीडिया रिपोर्टनुसार, लग्नात सेलिब्रिटींसह उद्योगविश्वातील नामांकित उद्योगपती हजेरी लावतील. शिवाय, कोणार्क- नियतीच्या लग्नाला दोघांकडील कुटुंबीय, नातेवाईक आणि मित्र-मैत्रिणी उपस्थित राहणार आहेत.

“अ परफेक्ट मर्डर”चा होणार महिलांसाठी विशेष प्रयोग, जाणून घ्या कधी आणि कुठे रंगणार ?

कोणार्क गोवारीकरविषयी बोलायचे झाल्यास तो त्याच्या वडिलांबरोबर फिल्ममेकिंगचे काम शिकतोय, शिवाय चित्रपट निर्मितीचेही तो बारकावे शिकत आहे. वडिलांप्रमाणेच चित्रपट उद्योगात काम करण्यास कोणार्क उत्सुक असल्याचे बोलले जात आहे. आशुतोष गोवारीकर यांच्या पत्नीचं नाव सुनीता गोवारीकर असं असून आशुतोष आणि सुनीता गोवारीकर यांना दोन मुलं आहेत. कोणार्क हा मोठा मुलगा असून लहान्या मुलाचे नाव विश्वांग गोवारीकर आहे. आशुतोष गोवारीकर बॉलिवूडमधील प्रसिद्ध दिग्दर्शकांपैकी एक असून त्यांनी अनेक चित्रपटांची आणि काही वेबसीरीजमध्ये महत्त्वपूर्ण भूमिका साकारली होती.

Dacoit: ‘डकैत’ चित्रपटामध्ये अनुराग कश्यपची जबरदस्त एन्ट्री; या अनोख्या भूमिकेत चमकणार अभिनेता!

आशुतोष गोवारीकर यांनी दिग्दर्शनाबरोबरच अभिनयातही पाऊल ठेवलं आहे. ते शेवटचे ‘मानवत मर्डर्स’वेबसीरीजमध्ये झळकले होते. त्याचबरोबर ‘काला पानी’या वेब सीरिजमध्येही त्यांनी मोठी आणि महत्त्वपूर्ण भूमिका साकारली होती. त्यांनी दिग्दर्शित केलेल्या शेवटच्या चित्रपटाबद्दल बोलायचं झाल्यास तो ‘पानीपत’ होता. २०१९ साली रिलीज झालेला हा ऐतिहासिक चित्रपट बॉक्स ऑफिसवर फ्लॉप ठरला होता. आशुतोष गोवारीकर यांनी ‘लगान’, ‘स्वदेस’, ‘जोधा अकबर’, ‘मोहेंजोदारो’, ‘बाजी’, ‘पानीपत’ सारख्या अनेक चित्रपटांचे त्यांनी दिग्दर्शन केले आहेत. त्यापैकी बहुतांश चित्रपट सुपरहिट ठरले होते. आशुतोष गोवारीकर यांची अवघ्या इंडस्ट्रीमध्ये भव्यदिव्य चित्रपटांसाठी ओळख आहे.

संबंधित बातम्या