फॅनच्या हास्यासाठी ‘इन्स्पेक्टर मंजू’चा प्रवास, “श्रियाला भेटून पाणावले डोळे” 

८४ वर्षांचे आजोबा सत्या- मंजूची गोष्ट खरी आहे असं समजून थेट सेटवर पोहोचले होते.त्यानंतर आता मंजूला भेटण्याचा हट्ट करणारी चाहती समोर आली आहे.

मालिका म्हणजे प्रेक्षकांचं एक नवीन कुटुंब असतं. ‘सन मराठी’वरील ‘इन्स्पेक्टर मंजू’ या मालिकेला प्रेक्षकांकडून अफाट प्रतिसाद मिळत आहे. याआधी ८४ वर्षांचे आजोबा सत्या- मंजूची गोष्ट खरी आहे असं समजून थेट सेटवर पोहोचले होते. त्यानंतर आता पुन्हा एकदा मालिकेची गोष्ट खरी आहे असं समजून सत्या- मंजूला भेटण्याचा हट्ट करणारी चाहती समोर आली आहे. मुंबईच्या जोगेश्वरीत राहणारी श्रिया नाईक ही सत्या-मंजूची मोठी चाहती आहे. श्रियाला डाउन सिंड्रोम हा आजार आहे. ती या मालिकेतील पात्रांना आपले खरे मित्र समजते. मालिकेत मंजूला गोळी लागल्यापासून श्रिया अस्वस्थ होत नेहमी साताऱ्याला जाण्याचा हट्ट आईबाबांकडे करत असते. तिला बरं वाटावं म्हणूनच मालिकेतील कलाकार सत्या आणि मंजूने थेट तिच्या घरी पोहोचून खास सरप्राईज दिलं. कलाकारांना समोर पाहताच श्रिया आनंदाने भारावून गेली. यावेळी सत्या-मंजूने तिला एक सुंदर फोटो फ्रेम गिफ्ट केली ज्यात त्यांचा आणि श्रियाचा फोटो आहे. हा क्षण श्रियासाठी अविस्मरणीय ठरला.

‘म्हणून व्हेंटिलेटर लिहायला मला ४८ वर्ष लागली’, वॉटरफ्रंट इंडी फिल्म फेस्टिव्हलमध्ये राजेश मापुस्करांचा खुलासा
श्रिया बद्दल सांगताना तिचे बाबा यशवंत नाईक म्हणाले की, “श्रिया सन मराठीवरील सर्व मालिका बघते. तिला सगळ्यात जास्त ‘इन्स्पेक्टर मंजू’ ही मालिका आवडते. जेव्हाही आम्ही तिला घरात ओरडतो तेव्हा ती आम्हाला म्हणते मी माझ्या सत्या- मंजूकडे जाईन. मालिकेत मंजूला गोळी लागण्याचा सीन पाहून श्रिया घाबरली. ती बेचैन होऊन मला साताराला जायचं आहे हा हट्ट तिने आमच्याकडे केला. २ वर्ष न चुकता श्रिया ही मालिका बघते. रात्री ८ वाजले की, ती घराबाहेर कधीच थांबत नाही. या मालिकेतील मंजूमुळे ती आणखीन खंबीर झाली आहे. आज तिचं एक स्वप्न पूर्ण झालं आहे असं मी म्हणेन हा आनंद तिच्यासाठी गगनात न मावण्यासारखा आहे. तिचं हे हास्य पाहून आम्ही समाधानी आहोत.”

Bigg Boss 19 : आज सलमान कोणाची घेणार शाळा? या पाच स्पर्धकांवर साधणार निशाणा, वाचा सविस्तर

श्रियाच्या या प्रेमावर मंजू म्हणजेच अभिनेत्री मोनिका राठी म्हणाली की, ” मंजूला मिळणार हे प्रेम पाहून मी निशब्द आहे. सातारा ते मुंबई हा प्रवास पहिल्यांदा फार वेगळा होता. कारण आज मी आणि सत्या आमच्या एका फॅनला भेटण्यासाठी मुंबईला आलो आहोत. श्रिया आमच्या मालिकेतील प्रत्येक पात्रावर भरभरून प्रेम करते. प्रत्येक भाग तिने बारकाईने पहिला आहे. ती म्हणाली, “मम्मीसाहेबांना मी चांगलाच धडा शिकवेन.” हे वाक्य ऐकून मला धक्का बसला. कारण ती मालिकेत इतकी गुंतली आहे.  ती डाऊन सिंड्रोम या आजारात आहे आणि या सगळ्यात ती मंजूला तिची खास मैत्रीण मानते. हे सगळं ऐकून आणि आज प्रत्यक्षात तिला भेटून मी भरून पावले. श्रियाचा हा आनंद असाच रहावा हीच बाप्पाकडे माझी प्रार्थना आहे आणि ‘इन्स्पेक्टर मंजू’वर प्रेक्षकांचं हे प्रेम कायम रहावं.”