"मी नाटकी, पण..." ज्येष्ठ अभिनेते नाना पाटेकर असं का म्हणाले ?
येत्या शुक्रवारी, ‘कौन बनेगा करोडपती १६’ मध्ये एका विशेष भागात ‘वनवास’चित्रपटाचे कलाकार नाना पाटेकर, उत्कर्ष शर्मा, सिमरत कौर आणि लेखक-दिग्दर्शक अनिल शर्मा उपस्थित राहणार आहेत. नाना पाटेकर होस्ट अमिताभ बच्चन समोर हॉटसीटवर बसणार आहेत. तो या भागाचा हायलाइट असेल. काही वेधक किस्से आणि आठवणी सांगून हा एपिसोड नक्कीच प्रेक्षकांचे लक्ष वेधून घेणारा ठरणार आहे. नाम फाऊंडेशनसाठी खेळत असताना नाना पाटेकर त्यांच्या जिव्हाळ्याच्या विषयाबद्दल नाना यांनी पहिल्यांदाच भाष्य केलेय.
यंदाच्या लग्नसराईत ‘फसक्लास दाभाडे’मधले गाणे वाजणार, चित्रपटातलं ‘यल्लो यल्लो’ गाणं रिलीज
शेतकऱ्यांची आत्महत्या रोखण्यासाठी जागरूकता आणून त्यासाठी निधी उभारण्याचा नाना पाटेकरचा उद्देश आहे. एका हृदयस्पर्शी क्षणी, नाना पाटेकर यांनी ‘नाना’शब्दाशी निगडीत किस्सा सांगितला. ते म्हणाले, “आम्ही ‘कोहराम’चित्रपटाचे शूटिंग करत होतो. एक दिवस अमित यांनी सेटवर सर्वांनाच मिठाई वाटली. मी त्यांना विचारलं की काय स्पेशल आहे? त्यावर ते म्हणाले, “मी आजोबा झालो, माझ्या मुलीला बाळ झाले, मी नाना झालो!”त्यावर आपल्या विनोदबुद्धीने ओळखल्या जाणाऱ्या नानांनी टिप्पणी केली की, “किती तरी वर्षं झाली, मी तर जन्मापासूनच नाना आहे.”
कॅन्सरच्या दुखण्यामध्ये हिना खानला मिळाली गुगलकडून बातमी, अभिनेत्री सर्चमध्ये टॉप 5 मध्ये पोहचली!
संभाषणाच्या ओघात नाना पाटेकरांनी अमिताभ बच्चन यांच्यासोबत एक गोड आणि व्यक्तीगत आठवण शेअर केली. ते म्हणाले, “एक दिवस अमितजी एक मस्त शर्ट घालून आले होते. मी त्यांना तसे सांगितले तेव्हा ते म्हणाले की तो अभिषेकचा शर्ट आहे. संध्याकाळी अमितजी निघून गेल्यानंतर मला निघायला जरा उशीर झाला होता. माझ्या शूटनंतर जेव्हा मी माझ्या व्हॅनिटीमध्ये गेलो, तेव्हा तो शर्ट तिकडे हँगरवर लावून ठेवला होता. आजही तो शर्ट माझ्याकडे आहे.” नाना आणि अमिताभ बच्चन यांच्या सहवासात संस्मरणीय रजनी अनुभवा आणि त्यांच्या दैदीप्यमान करकिर्दीतील काही खास किस्से आपल्याला येत्या शुक्रवारी, कौन बनेगा करोडपती १६ मध्ये पाहायला मिळतील.
.png "Videos"){kind=small}
