फोटो सौजन्य : गुगल
दीपज्योती’ मालिका रात्री आठ वाजताच्या प्राइम स्लॉटला प्रसारित केली जाणार आहे. मात्र असं असलं तरी ‘लक्ष्मी निवास’ संपणार नसल्याचं झी मराठी वाहिनीने स्पष्ट केलं आहे. सध्या आठवाजता सुरु असलेल्या लक्ष्मी निवास मालिकेची वेळ बदण्यात आल्याचं सांगितलं. गेल्या वर्षभरात ‘लक्ष्मी निवास’ मालिकेला चाहत्यांचं भरभरून प्रेम मिळालं. त्यामुळे आता नवीन मालिका सुरू झाल्यावर ‘लक्ष्मी निवास’चं काय होणार असा प्रश्न चाहत्यांच्या मनात निर्माण झाला होता. अनेक चाहते कमेंट्समध्ये ‘लक्ष्मी निवास’ मालिका संपवू नका अशी विनंती करत होते. अखेर ‘झी मराठी’ने स्वतः पोस्ट शेअर करत ‘लक्ष्मी निवास’ संपणार नाहीये अशी अपडेट चाहत्यांबरोबर शेअर केली आहे.
‘लक्ष्मी निवास’ मालिका संपणार नसून, फक्त वेळ बदलण्या आल्याचं सांगितलं आहे. ‘दीपज्योती’ मालिका १३ एप्रिलपासून सुरू असली तरी वाहिनीने सुरु असलेल्या दोन मालिकांची वेळ बदलली आहे. ‘लक्ष्मी निवास’ आणि ‘सावळ्याची जणू सावली’ या दोन्ही मालिका आता एका नव्या वेळेत प्रसारित केल्या जाणार आहे. ‘लक्ष्मी निवास’ आता ६:३० वाजता तर ‘सावळ्याची जणू सावली’ मालिकेची वेळ ६ वाजताच्या स्लॉटला टेलिकास्ट केल्या जातील. त्यामुळे दोन्ही मालिकेच्या चाहत्यांनी सोशल मीडियावर समाधान व्यक्त केलं आहे. सध्या झी मराठीवर कमळी, सावळ्याची जणू सावली आणि लक्ष्मी निवास या मालिकांनी प्रेक्षकांची पसंती चांगली मिळत असल्याने या मालिकांना निरोप न देता वाहिनीने मालिकांची लोकप्रियता पाहत फक्त वेळ बदलली आहे.
