‘आदल्याच दिवशी आम्ही बोललो…’, अभिजीत खांडकेकर पुन्हा एकदा प्रियाच्या आठवणीत भावुक, म्हणाला…

अभिनेता अभिजीत आणि प्रिया यांनी 'तुझेच मी गीत गात' आहे या मालिकेत एकत्र काम केले. या मालिकेमुळे त्यांच्यातील मैत्रीचे संबंध आणखी घट्ट झाले होते. तसेच आता प्रियाच्या निधनाने अभिजीत पुन्हा भावुक झालेला दिसला आहे.

• अभिजीत खांडकेकर पुन्हा प्रियाच्या आठवणीत भावुक
• सोशल मीडियावर शेअर केलं दुःख
• अभिजीतने प्रियाच्या आठवणी केल्या शेअर

अभिनेत्री प्रिया मराठे नुकताच कॅन्सरमुळे निधन झाले. ज्यामुळे संपूर्ण चित्रपटसृष्टीत शोककळा पसरली. प्रियाच्या निधनाने संपूर्ण इंडस्ट्रीला धक्का बसला होता. तिचे मित्र मैत्रिणी आणि सहकलाकार आजही तिच्या आठवणी सोशल मीडियावर दुःख व्यक्त करत आहेत. प्रियाच्या आजारपणात तिच्याबरोबर काही मोजके मित्र मैत्रिणी शेवट पर्यंत होते त्यातील एक म्हणजेच अभिनेता अभिजीत खांडकेकर. अभिजीत आणि प्रिया यांनी मराठी मालिका तुझेच मी गीत गात यामध्ये एकत्र काम केले. आणि दोघांमधील मैत्रीचं घट्ट नातं प्रेक्षकांना दिसून आले.

‘The Bads of Bollywood’च्या प्रीमियरमध्ये संपूर्ण खान कुटुंब दिसले एकत्र; आर्यनच्या एका कृतीने वेधले लक्ष

प्रियाबद्दल बोलताना अभिजीत भावुक
एका मुलाखतीदरम्यान अभिजीत पुन्हा एकदा प्रियासाठी भावुक होताना दिसला आहे. आणि म्हणाला, “आज तिच्याबद्दल असं बोलावं लागेल याची मी कल्पनाही केली नव्हती. गेल्या दीड वर्षात तिला हा आजार झाला, कॉम्प्लिकेशन सुरु झाले. प्रियाचे कुटुंबीय, शंतनु आणि मोजक्या लोकांना याबद्दल माहिती होतं त्यापैकी मीही होतो. आम्ही खूप चांगले मित्र होतो. तिची तब्येत इतकी ढासळत जाईल, एक दिवस अशी बातमी येईल याची कल्पना असूनही आपल्या मनाला ते पटत नसतं. अजूनही विश्वास बसत नाही.”

अभिजीत पुढे म्हणाला, “मी आदल्याच दिवशी तिला मेसेज केला होता. त्याआधी आमचं बोलणं व्हायचं. ती कोणालाही भेटायला तयार नव्हती, तिची इच्छाच नव्हती. पण तरीसुद्धा मी मित्र हट्टीपणा करतात तसं तिला विनंती करत होतो की मी येतो. बोलू नकोस पण मला एकदा येऊन भेटू दे, असं मी तिला म्हणायचो. पण शेवटी देवाच्या मनात जे असतं तेच होतं ते कोणीही बदलू शकत नाही. हे तथ्य आहे आणि आता आपल्याला ते मान्य करावं लागेल.” असं अभिजीत बोलताना दिसला आहे.

Bigg Boss 19: एकाच भांडणानंतर, ‘हा’ स्पर्धक बनला घराचा नवा कॅप्टन, तरीही डोक्यावर नॉमिनेशनची टांगती तलवार

अभिजीतने प्रियाच्या आठवणी केल्या शेअर
“प्रियाला आम्ही छान तयार झालेलं नटलेलं पाहिलं आहे. त्या दिवशी बातमी आल्यानंतर तिला समोर बघणं खूप कठीण होतं. माझ्या मनात तिच्या सुंदर आठवणी कायम आहे. तिला शेवटचं बघणं खूप कठीण झालं होतं माझ्यासाठी.” प्रियासोबतच्या आठवणी सांगत अभिजीत म्हणाला, “मालिकेवेळी आम्ही एकत्र वेळ घालवला आहे. सेटवर ती अगदी लहान मुलीसारखीच होती. आमच्या सेटवर दोन नाही तीन लहान मुली होत्या. आम्ही इतकं काम केलं, इव्हेंट्स केले. एकाच रस्त्यावर घर असल्याने एकमेकांसोबत गाड्या शेअर करणं, खाणंपिणं, आयुष्यातील अनेक गप्पा मारणं असं सगळंच केलं. आपल्यासमोर असं जवळच्या माणसाची तब्येत ढासळणं हे चटका लावणारं आहे.”