(फोटो सौजन्य- इन्स्टाग्राम)
चैत्र महिन्यात येणाऱ्या चैत्र नवरात्रीला हिंदू संस्कृतीत विशेष धार्मिक आणि सांस्कृतिक महत्त्व आहे. चैत्र नवरात्र हा हिंदू धर्मातील महत्त्वाचा सण असून त्याची सुरुवात गुढीपाडव्यापासून होते.या पवित्र उत्सवाचा जागर करण्यासाठी शेलार मामा फाऊंडेशनने पुढाकार घेतला असून, अभिनेता सुशांत शेलार आणि पत्नी सौ. साक्षी सुशांत शेलार यांच्या विद्यमाने लोअर परेल येथे १९ मार्चपासून ते २७ मार्च या कालावधीत ‘कुलस्वामिनी भैरी भवानी’ चैत्र नवरात्रोत्सव मोठ्या भक्तिभावात आणि उत्साहात साजरा होत आहे.
उपमुख्यमंत्री एकनाथ शिंदे यांच्या प्रेरणेने आणि खासदार श्रीकांत शिंदे यांच्या मार्गदर्शनाखाली शेलार मामा फाऊंडेशनचे अध्यक्ष सुशांत शेलार यांच्या संकल्पनेतून हा चैत्र नवरात्रोत्सव साजरा केला जात आहे. या उत्सवाला मुख्यमंत्री देवेंद्र फडणवीस, सुनेत्रा पवार, डॉ. नीलम गोऱ्हे आणि डॉ. श्रीकांत शिंदे यांच्यासह अनेक मान्यवर उपस्थित राहणार आहेत. तसेच मनोरंजन क्षेत्रातील तेजस्विनी पंडित , रेश्मा शिंदे, सौरभ गोखले, मेघन जाधव, विघ्नेश जोशी आदी कलाकारही सहभागी होणार आहेत.
गेल्या काही वर्षापासून सामाजिक, सांस्कृतिक आणि क्रीडा क्षेत्रात सक्रीय असलेल्या शेलारमामा फाऊंडेशन या संस्थेतर्फे मुंबईच्या लोअर परळ येथे चैत्र नवरात्रोत्सवाचे आयोजन करणात येते. हिंदू धर्म, आपल्या परंपरा आणि संस्कृती याचे जतन आणि संवर्धन यासह हा समृद्ध वारसा पुढच्या पिढीपर्यंत पोहोचावा हा या चैत्र नवरात्रोत्सवा मागचा हेतू असल्याचे अभिनेता सुशांत शेलार यांनी सांगितले.
कोकण वैभव जवळ, तालचेकरवाडी शाळेसमोर, लोअर परळ उड्डाणपुलाखाली १९ मार्च २०२६ ते २७ मार्च दरम्यान रंगणाऱ्या या उत्सवात अभिषेक, शृंगार पूजा, मंडल पूजा, पाठ वाचन, नवचंडी होमहवन,भजन, ललिता सहस्त्रनाम, कुंकू मार्चन, देवीचा गोंधळ, जागरण महिला पुरीहिताचें पठण, श्रीरामनवमी उत्सव, विसर्जन आदी आराधनेने चैत्र नवरात्री उत्सवाचा जागर केला जाणार आहे.
.png "Videos"){kind=small}
