‘आईला वाचवा…’ पुणे-सातारा प्रवासादरम्यान प्रियदर्शिनीचा अपघात, अभिनेत्रीने सांगितला धक्कादायक अनुभव

'महाराष्ट्राची हास्यजत्रा' मधून लोकप्रिय झालेली अभिनेत्री प्रियदर्शिनी इंदलकर पुन्हा चर्चेत आली आहे. अभिनेत्रीचा काही वर्षांपूर्वी गंभीर अपघात झाला होता. या अपघाताबाबत आता तिने मौन सोडले आहे.

• पुणे-सातारा प्रवासादरम्यान प्रियदर्शिनीचा अपघात
• अभिनेत्रीने सांगितला धक्कादायक अनुभव
• प्रियदर्शिनी इंदलकरचा प्रवास

सोनी मराठीवरील लोकप्रिय शो ‘महाराष्ट्राची हास्यजत्रा’ फेम प्रियदर्शिनी इंदलकरचा काही वर्षांपूर्वी गंभीर अपघात झाला होता. ज्याबद्दल अभिनेत्रीने आता मौन सोडले आहे. प्रियदर्शिनी मराठी इंडस्ट्रीमध्ये सुरुवात करत असताना एका लोकप्रिय रिॲलिटी शोमध्ये सहभागी झाली होती. आणि याच कार्यक्रमात ती विजेती ठरली होती. या कार्यक्रमादरम्यान आईसोबत पुण्यावरुन साताऱ्याला जात असताना प्रियदर्शिनीचा गंभीर अपघात झाला होता. पोटाला, हाताला दुखापत झालेली असताना, मोठ्या प्रमाणात रक्तस्त्राव होताना प्रियदर्शिनी डॉक्टरांच्या योग्य उपचारांमुळे थोडक्यात वाचली. डॉक्टरांनी योग्य उपचार केले नसते तर प्रियदर्शिनीचा जीव धोक्यात होता. त्यामुळे अभिनेत्याने या डॉक्टरांचे आभार मनात आता डॉ. जाधवांमुळे मला जीवदान मिळालं असल्याचं तिने सांगितलं आहे.

प्रेक्षकांच्या नजरेतून काहीच सूटत नाही, ‘कांतारा चॅप्टर 1’मधील चूक सोशल मीडियावर झाली व्हायरल

सोनी मराठीच्या ‘MHJ Unplugged’मध्ये अमित फाळके यांनी प्रियदर्शिनी इंदलकरला बोलतं केलं. यावेळी अभिनेत्रीने तिच्या आयुष्यातील एक धक्कादायक क्षण शेअर केला. प्रियदर्शिनी इंदलकर आईसोबत पुण्यावरुन साताऱ्याला जात होती. तेव्हा वळुंजच्या जवळ १५० च्या स्पीडला गाडी डिव्हायडरला अभिनेत्रीची गाडी धडकली. टायर फुटला. आणि दोन्ही गाडीतील लोकांना दुखापत झाली. काटा १५० ला अडकला होता. प्रियदर्शिनी गाडीत आडवी झोपल्याने गाडी धडकल्यानंतर ती खाली पडली आणि तिच्या पोटाला लागले. हाता फ्रॅक्चर झाला रक्त येऊ लागले. अभिनेत्रीची आई मात्र खूप गंभीर जखमी झाली होती. आणि त्यावेळी प्रियदर्शिनी खूप घाबरली देखील होती.

प्रियदर्शिनीने सांगितला अनुभव
प्रियदर्शिनी म्हणते, “मला गाडीतून काढून रस्त्यावर झोपवलं होतं. खूप लोक जमलेले आठवत आहेत. पण त्यावेळी मी माझ्या आईला वाचवा, आईला वाचवा असं ओरडत होते. त्या अवस्थेत मी त्या लोकांना घरचा नंबरही सांगितला होता. त्यावेळी नेमका आजी-आजोबांनी तो फोन उचलला. त्यांची अवस्था खराब झाली. त्यानंतर इतर कुटुंबिय हॉस्पिटलमध्ये आले. माझ्या पोटात दुखत असल्याने डॉक्टरांनी माझी सोनाग्राफी केली आणि तेव्हा कळलं की मी जास्त क्रिटिकल आहे. माझं HBs 3 की 4 झालं होतं. डॉक्टरांनी योग्य उपचार केल्याने माझा जीव वाचला. त्यामुळे माझ्या शरीरावरचा मार्क हा रिबर्थ मार्क आहे”.

‘क्या दूधिया बदन है…’, अन्नू कपूरने तमन्ना भाटियाला म्हटले ‘मिल्की ब्युटी’, नेटकरी संतापून म्हणाले ‘अश्लील म्हातारा!’

प्रियदर्शिनी इंदलकर या अभिनेत्रीबद्दल सांगायचे झाले तर ही मराठी मनोरंजनसृष्टीतील लोकप्रिय अभिनेत्री आहे. ‘महाराष्ट्राची हास्यजत्रा’ या कार्यक्रमाच्या माध्यमातून ती घराघरांत पोहोचली. फुलराणी, सोयरिक, नवरदेव बीएससी, ॲग्री, दशावतार अशा अनेक चित्रपटांत तिने आपल्या अभिनयाची छाप पाडली आहे. सध्या चित्रपटगृहात धुमाकूळ घालणाऱ्या ‘दशावतार’ या चित्रपटातील प्रियदर्शिनीच्या कामाचं सध्या सर्वत्र कौतुक होत आहे.