(फोटो सौजन्य - Instagram)
मराठीबरोबरच नेहाने हिंदी कलाविश्वदेखील नाव गाजवलं आहे. ‘मे आय कम इन मॅडम’ या मालिकेमुळे तिला चांगलीच लोकप्रियता मिळाली. पुढे नेहा पेंडसे ‘भाभीजी घर पर है’ मालिकेत अनिता भाभीच्या भूमिकेत पाहायला मिळाली. प्रेक्षकांना तिचे पात्र खूप आवडले. यांनतर नेहा पेंडसे शेवटची ‘जून’ या चित्रपटात झळकली होती त्या नंतर नेहा काय नवीन भूमिका साकारणार कोणत्या प्रोजेक्ट्स मध्ये दिसणार या साठी चाहते देखील तितकेच उत्सुक होते पण आता प्रतीक्षा संपली आहे असं म्हणायला हरकत नाही कारण नेहा सातासमुद्रापार असलेल्या ‘कान्स फिल्म फेस्टिव्हल’ मध्ये डेब्यू करणार आहे.
नेहाने कान्समध्ये डेब्यू केला आणि तिने या फ्रेंच फिल्म फेस्टिव्हलला हजेरी लावली आहे. कान्समधील नेहाचा रेड कार्पेट लुक आता समोर आला असून तिच्या या खास आऊटफिटमध्ये ती सुंद दिसत आहे. नेहाचा हा पहिला कान्स लुक असून अजून दोन वेगवेगळ्या आणि तितक्याच आकर्षक लुकमध्ये ती दिसणार आहे. तिचे हे नवनवीन लुक पाहण्यासाठी चाहते उत्सुक आहेत.
Cannes 2025 मध्ये आदिती राव हैदरीचा खास अंदाज, ‘लाल परी’ बनून वेधले लोकांचे लक्ष!
कान्स या मोठ्या फिल्म फेस्टिव्हलबद्दल बोलताना नेहा म्हणाली, “प्रत्येक कलाकारांसाठी कान्समध्ये जाणं हे एक स्वप्न असत आणि माझ्यासाठी सुद्धा हा क्षण स्वप्नपूर्ती सारखा आहे. मला माझा लुक हा थोडा खास ठेवायचा होता पण सोबतीने तो कसा उठावदार आणि वेगळा दिसू शकतो याचा देखील मी विचार केला आणि मनीष घरतने हे सत्यात उतरवण्यासाठी माझी मदत केली आणि हा लुक उत्तम बनवला आहे. कान्स साठीचा लुक हा मला शार्प आणि तितकाच ताकदीचा असावं असं वाटतं होत. कान्स डेब्यू करताना थोडी धाकधूक तर होती पण टेन्शन न घेता तिथल्या गोष्टी छान एन्जॉय करायच्या हेच ठरवून मी इकडे आली आहे.’ असे अभिनेत्रीने सांगितले.
नेहाने आजवर तिच्या प्रत्येक फॅशन स्टेटमेंट ने प्रेक्षकांच लक्ष वेधून घेतलं आहे आणि कान्स मधल्या या तिच्या लुकच देखील तितकच तोंडभरून कौतुक प्रेक्षक करताना दिसत आहेत. तसेच अभिनेत्रीचा मेकअप, काळ्या रंगाचा लांबलचक गाउन आणि तिच्या केसांची हेअर स्टाईल पाहून चाहते चकित झाले आहेत. एका मराठी अभिनेत्रीने सातासमुद्रापार जाणून स्वतःची ओळख निर्माण केली आहे याचा चाहत्यांना आभिमान वाटत आहे. नेहाच्या या फोटोवर चाहत्यांचा भरभरून प्रतिसाद देखील मिळत आहे.
.png "Videos"){kind=small}
