‘आउट ऑफ सिल्याबस’चा भव्य अनावरण सोहळा; पोस्टर व म्युझिक लाँचला प्रेक्षकांचा उत्स्फूर्त प्रतिसाद

आउट ऑफ सिल्याबस: पुस्तकांच्या पलीकडे’या चित्रपटाचा पोस्टर आणि म्युझिक लाँच सोहळा मराठी कलाकरांच्या उपस्थितीत मोठ्या दिमाखात पार पडला.

अगामी मराठी‘आउट ऑफ सिल्याबस: पुस्तकांच्या पलीकडे’या चित्रपटाचा पोस्टर आणि म्युझिक लाँच सोहळा नुकाताच दिमाखात पार पडला.मुंबईतील परेल येथील पंचतारांकित ITC Grand Central हॉटेलमध्ये ९ एप्रिल २०२६ रोजी हा सोहळा आयोजित करण्यात आला होता. मराठी सिनेसृष्टीतील अनेक दिग्गज कलाकारांच्या उपस्थितीत कार्यक्रम रंगतदार झाला.हा प्रेरणादायी चित्रपट डॉ. सुगत जी. वाघमारे यांनी ‘अदू-तिशू प्रॉडक्शन्स अँड म्युझिक’च्या बॅनरखाली तयार केला असून, याचे दिग्दर्शन नवीन देशबोनिया यांनी केले आहे.

​दिग्गजांची उपस्थिती
​या दिमाखदार सोहळ्याला मराठी चित्रपटसृष्टीतील अनेक मान्यवर उपस्थित होते. यात प्रामुख्याने अभिनेते महेश मांजरेकर, वैशाली सामंत, गौरव मोरे, रोहित माने, शिवाली परब, वनिता खरात, रसिका वेंगुर्लेकर, पॅडी कांबळे, कुणाल मेश्राम, अभय जोधपूरकर, सौरभ अभ्यंकर, गोपाळ गावंडे, मोहित कुलकर्णी, संजय पवार, अजिंक्य राऊत, मिलिंद शिंदे, कमलेश सावंत, अद्वयी, अभिजित रामचंद्र, सानिका तोरस्कर आणि शेषपाल गणवीर या कलाकार मंडळींचा समावेश होता.

​चित्रपटाचे वेगळेपण आणि नवी कोरी जोडी
​’आउट ऑफ सिल्याबस: पुस्तकांच्या पलीकडे’ या चित्रपटाच्या पोस्टरने प्रेक्षकांची उत्सुकता कमालीची वाढविली आहे. अभिनेता अजिंक्य राऊत आणि नवोदित अभिनेत्री अद्वयी ही एक फ्रेश जोडी या चित्रपटाच्या निमित्ताने मोठ्या पडद्यावर पदार्पण करत आहे. पोस्टरमध्ये दिसणारा ‘पुस्तकी अभ्यास करणारा नायक’ आणि ‘त्याच्याकडे पाहत बसलेली नायिका’ यामुळे कथेविषयी विशेष कुतूहल निर्माण झाले आहे. केवळ पुस्तकी परीक्षेत उत्तीर्ण होण्यापेक्षा आयुष्याची परीक्षा यशस्वीपणे पार पाडण्याची एक थरारक आणि प्रेरणादायी कथा या चित्रपटात मांडण्यात आली आहे.

‘राजा शिवाजी’च्या ‘छत्रपती’ अँथमचा BTS व्हिडिओ प्रदर्शित; चाहत्यांसाठी अजय-अतुलच्या संगीताची खास भेट

​निर्मिती आणि तांत्रिक बाजू
​या चित्रपटाची तांत्रिक बाजू अतिशय भक्कम असून चित्रपटाचे लेखन अनिकेत कोरडे यांनी केले आहे. तर चित्रपटाचे दिग्दर्शन नवीन देशबोनिया यांनी केले आहे. निर्माते डॉ. सुगत जी. वाघमारे यांनी ‘अदू-तिशू प्रॉडक्शन्स अँड म्युझिक’च्या बॅनरखाली चित्रपटाची निर्मिती केली आहे. तांत्रिक नाविन्य जपत सचिन मनोहराराव ढोकणे यांनी चित्रपटाचे ‘AI क्रिएटिव्ह डायरेक्टर’ म्हणून काम पाहिले आहे. तर संगीत दिग्दर्शक मोहित कुलकर्णी यांनी संगीताची धुरा सांभाळली असून, वैशाली सामंत, अभय जोधपूरकर आणि गोपाळ गावंडे यांनी गाण्यांना सुमधुर स्वर दिले आहेत. तर मनीष केदार व्यास, सुधीर वड्डेली यांनी छायांकनाची जबाबदारी पेलवली आहे. आणि संकलन अनिल विठ्ठल थोरात यांचे आहे.

”मुलींचा फायदा घेणं…”, अक्षय कुमारबद्दल लारा दत्ताचे वक्तव्य चर्चेत, करिअरच्या सुरुवातीच्या काळातील सत्य उघड

​मुख्य भूमिकेत अजिंक्य राऊत, अद्वयी आणि शेषपाल गणवीर असून त्यांना सानिका तोरस्कर, अभिजित रामचंद्र, मिलिंद शिंदे आणि कमलेश सावंत यांची महत्त्वपूर्ण साथ लाभली आहे. ‘अदू-तिशू प्रॉडक्शन अँड म्युझिक’ प्रस्तुत हा चित्रपट लवकरच प्रेक्षकांच्या भेटीला येणार