(फोटो सौजन्य- इन्स्टाग्राम)
‘जिओ स्टुडिओज’ आणि ‘मुंबई फिल्म कंपनी’ यांच्या वतीने बनवण्यात येणाऱ्या बहुप्रतिक्षित ‘राजा शिवाजी’ या ऐतिहासिक चित्रपटाबाबत प्रेक्षकांमध्ये मोठी उत्सुकता आहे.अलीकडेच चित्रपटाचे पोस्टर प्रदर्शित करण्यात आले होते, ज्यामुळे चर्चेला उधाण आले होते. आता निर्मात्यांनी चित्रपटातील ‘छत्रपती’ या अँथम गाण्याचा BTS (बिहाइंड द सीन) व्हिडिओही रिलीज केला आहे.या व्हिडिओमधून गाण्याच्या शूटिंगची भव्यता, संगीताची ताकद आणि संपूर्ण टीमची मेहनत दिसून येते. त्यामुळे ‘राजा शिवाजी’ चित्रपटाबाबतची उत्सुकता आणखी वाढली आहे.
या चित्रपटातील ‘छत्रपती’ हे गीत प्रसिद्ध संगीतकार जोडी अजय-अतुल यांनी संगीतबद्ध केले आहे. विशेष म्हणजे त्यांनी हे गीत स्वतःच्या दमदार आवाजातही गायले आहे.नुकत्याच प्रदर्शित झालेल्या BTS व्हिडिओमध्ये या गाण्याच्या निर्मितीमागची भव्यता स्पष्ट दिसते. मोठ्या पडद्यावर प्रभावी अनुभव देण्यासाठी हे संगीत अतिशय ताकदीने आणि बारकाईने तयार करण्यात आले आहे.या व्हिडिओत प्रत्येक बीट, प्रत्येक स्वर आणि प्रत्येक दृश्यामागील मेहनत जाणवते.
याआधी या गाण्याचा मुखडा प्रदर्शित झाला होता आणि त्याला प्रेक्षकांनी खूप चांगला प्रतिसाद दिला होता. आता संपूर्ण गाण्याची प्रेक्षकांमध्ये मोठी उत्सुकता निर्माण झाली आहे.
या महत्त्वाकांक्षी चित्रपटाचे दिग्दर्शन रितेश विलासराव देशमुख यांनी केले असून, त्यांनीच लेखक, निर्माता आणि छत्रपती शिवाजी महाराजांची भूमिका साकारत तिहेरी जबाबदारी समर्थपणे सांभाळली आहे. त्यांच्या या बहुआयामी भूमिकेमुळे चित्रपटाला एक वेगळीच उंची मिळणार असल्याचे स्पष्ट दिसते. चित्रपटात संजय दत्त, अभिषेक बच्चन, विद्या बालन, महेश मांजरेकर, सचिन खेडेकर, बोमन इराणी, भाग्यश्री, फरदीन खान, जितेंद्र जोशी, अमोल गुप्ते आणि जिनिलिया देशमुख यांसारख्या दिग्गज कलाकारांचा समावेश असलेला एक भक्कम कलाकार संच पाहायला मिळणार आहे.
‘राजा शिवाजी अँथम’ “छत्रपती” हे १३ एप्रिल रोजी प्रदर्शित होणार असून, या गीतातून हिंदवी स्वराज्याचा आत्मा, शौर्य आणि प्रेरणा नव्या पिढीपर्यंत प्रभावीपणे पोहोचवण्याचा प्रयत्न करण्यात आला आहे. संगीत, दृश्यरचना आणि भावनिक उंची यांचा संगम असलेले हे गीत चित्रपटाचा आत्मा ठरणार असल्याची सर्वत्र चर्चा आहे.
‘जिओ स्टुडिओज’ प्रस्तुत आणि ‘मुंबई फिल्म कंपनी’ निर्मित या चित्रपटाची निर्मिती ज्योती देशपांडे आणि जिनिलिया देशमुख यांनी केली आहे. छत्रपती शिवाजी महाराजांच्या जीवनावर आणि आधारित राजा शिवाजी १ मे २०२६ रोजी जगभरातील चित्रपटगृहांमध्ये मराठी आणि हिंदी या दोन्ही भाषांमध्ये प्रदर्शित होणार आहे.
एकूणच, “राजा शिवाजी” हा चित्रपट केवळ एक सिनेमा नसून, तो भारतीय इतिहासाचा गौरवशाली अध्याय मोठ्या पडद्यावर सजीव करणारा एक भव्य अनुभव ठरणार आहे. ‘राजा शिवाजी अँथम’ “छत्रपती” या गाण्याच्या माध्यमातून प्रेक्षकांना या ऐतिहासिक प्रवासाची एक प्रभावी झलक मिळाली असून, आता संपूर्ण चित्रपटाची प्रतीक्षा अधिकच उत्कंठावर्धक झाली आहे.
.png "Videos"){kind=small}
