”पोटात गोळा अन् छातीत धडधड, तरी…”, ‘ही’ मराठी अभिनेत्री 7 वर्षांनी ‘या’ मालिकेतून करणार कमबॅक

स्टार प्रवाह वाहिनीवर नवीन मालिका प्रेक्षकांच्या भेटीला येत आहे. या मालिकेतून ही अभिनेत्री पुन्हा एकदा टीव्हीवर कमबॅक करणार आहे.

नस्टार प्रवाह वाहिनीने नवीन वर्षात काही नव्या मालिकांची घोषणा केली असून, त्यातील एक आगामी मालिका म्हणजे ‘वचन दिले तू मला’. ही मालिका १५ डिसेंबरपासून प्रेक्षकांच्या भेटीला येणार आहे.

या मालिकेतून लोकप्रिय अभिनेत्री श्वेता पेंडसे सात वर्षांनंतर छोट्या पडद्यावर कमबॅक करत आहे. श्वेताने आपल्या सोशल मीडियावर मालिकेतील पूर्वा शिंदे या भूमिकेतील एक फोटो शेअर करत चाहत्यांसोबत ही आनंदाची बातमी शेअर केली आहे.

श्वेताने फोटोसोबत लिहिले आहे की, ती पुन्हा छोट्या पडद्यावर प्रेक्षकांना मनोरंजन देण्यासाठी सज्ज आहे आणि ही भूमिका तिच्यासाठी खूप खास आहे. या मालिकेतून प्रेक्षकांना मनोरंजक कथा आणि श्वेताच्या अभिनयाचा परतावा पाहायला मिळणार आहे. या मालिकेच्या भूमिकेतील एक फोटो तिने शेअर करून तिच्या भावना व्यक्त केल्या आहेत.

या पोस्टमध्ये श्वेता म्हणाली, ”पोटात 10 किलोचा गोळा…छातीत धडधड.. आणि तरीही प्रचंड आनंद आणि विलक्षण उत्साह जाणवतोय. 7 वर्षांनी पुन्हा एकदा मालिकेत अभिनय करतेय. म्हणतात ना.. Best things happen when they are least expected.. अगदी तसंच झालं. बरेच दिवसांपासून एका वेगळ्या आणि चांगल्या भूमिकेच्या शोधात होते आणि मनीमानशी नसताना अक्षरशः एका दिवसात हे सगळं जुळून आलं. पहिल्या दिवशी सेटवर गेले तेव्हा माझाच विश्वास बसत नव्हता की मी पुन्हा एकदा शूट करतेय. माझा अभिनेत्री म्हणून मालिका विश्वातला प्रवास स्टार प्रवाह वाहिनीच्या ‘ लक्ष्य ‘ मालिकेपासून सुरू झाला. त्यानंतर याच वाहिनीवर ‘ जयोस्तुते ‘ ही मालिका केली. नंतर सेवंथ सेन्स मीडिया बरोबर केलेली ‘ अस्स सासर सुरेख बाई ‘ ही मालिका खूप गाजली. यातल्या ‘ विभावरी इनामदार’ या भूमिकेने मला मालिकाविश्वात खऱ्या अर्थाने अभिनेत्री म्हणून ओळख मिळवून दिली. ”

पुढे अभिनेत्री म्हणते, ”आता हा नवीन प्रवास पुन्हा एकदा स्टार प्रवाह आणि सेवंथ सेन्स मीडिया बरोबरच सुरू होतो आहे हा विलक्षण योगायोग! ‘ वचन दिले तू मला ‘ या मालिकेत ‘ पूर्वा शिंदे’ ही भूमिका करायची संधी मिळाली आहे. ही अत्यंत गोड व्यक्तिरेखा आहे. मला ऐकताक्षणी ही भूमिका फार भावली कारण या व्यक्तिरेखेला खूप कंगोरे आहेत. माझ्यासाठी ही भूमिका साकारणं खरं तर एक आव्हान आहे..ते का, हे मालिका बघितल्यावर तुम्हाला कळेलच! ”

यानंतर श्वेता म्हणते, ” रंगभूमीवर ‘ 38 कृष्ण व्हीला’ नाटकातील ‘ नंदिनी’.. ‘ शश sss घाबरायचं नाही’ मधली ‘ निरांजनी ‘ आणि ‘ खानावळवाली’, ‘ अ परफेक्ट मर्डर’ मधील इन्स्पेक्टर घारगे आणि आता ‘ वचन दिले तू मला ‘ मालिकेमध्ये ‘ पूर्वा शिंदे ‘ या अत्यंत भिन्न चार व्यक्तिरेखा एकाच वेळेला मला साकारायला मिळतायेत ही एक अभिनेत्री म्हणून किती कित्ती सुखावणारी गोष्ट आहे.

Akshaye Khannaचं लग्न का मोडलं? अभिनेत्रीच्या आईमुळे बदललं आयुष्य, अभिनेता अजूनही अविवाहित

See more

”माझं जीवन इतकंच”, Salman Khanने केला त्याच्या वैयक्तिक आयुष्याबद्दल धक्कादायक खुलासा , म्हणाला, ”गेल्या 25 वर्षात मी…”

‘ मी आता मालिकेत कामच करणार नाहीये’ असं सगळ्यांना वाटत असताना या सुंदर व्यक्तिरेखेची जबाबदारी माझ्यावर विश्वासाने आणि हक्काने टाकल्याबद्दल सेवंथ सेन्स मीडिया आणि संपूर्ण स्टार प्रवाह टीमचे मी मनापासून आभार मानते. खूप भीती वाटतेय खरंतर…पण मी जीव ओतून काम करेन. तुम्हालाही पूर्व शिंदे, या मालिकेतल्या इतर सगळ्याच व्यक्तिरेखा आणि ही मालिकासुद्धा खूप आवडेल याची आशा नव्हे खात्री आहे. तुमच्या शुभेच्छा आणि आशीर्वाद पाठीशी असू द्या ”