(फोटो सौजन्य - इन्स्टाग्राम)
विजू माने यांनी शेअर केली भावुक पोस्ट
विजू माने यांनी प्रियाच्या जाण्याने भावुक होऊन लिहिले की, ‘A fairytale ends… “मला वडील नाहीत, माझे वडील बनाल का?” हा तिने विचारलेला प्रश्न अजूनही कानात आहे. सssssssर अशी मोठ्याने हाक मारून अक्षरशः लहान मुलीसारखी बिलगायची. माझ्या बायकोहून जास्त वयाच्या ह्या पोरीला मी मनापासून ‘लेक’ मानलं होतं. बांदोडकर कॉलेजात एक मॉब प्ले केला होता. अ फेअरी टेल…प्रियाचं रंगभूमीवरलं पहिलं काम. तिला अगदी बोटाला धरून एकांकिकेत आणलं. राजकन्या होती त्यात ती. तेच बोट धरून माझ्या आयुष्यात वावरली.’
विजू मानेंनी पुढे लिहिलं, ‘माझ्या मुलीला मी सांगायचो, तुझ्याआधी मला एक मुलगी आहे बरं का… तिच्या आयुष्यातले खूप चढ-उतार पाहिले. शंतनूसारखा गोड मुलगा तिला मिळाला. खूप बरं वाटलं होतं. गोष्ट अशी संपायला नको होती प्रिया. बाबा मिस यू…बाबा लव्ह यू.’ असे लिहून विजू माने यांनी हृदयस्पर्शी पोस्ट शेअर केली आहे आणि त्यांनी त्यांच्या मनातील भावना व्यक्त केल्या आहेत.
हत्तीला पाणी पाजल्याबद्दल सिद्धार्थ झाला चांगलाच ट्रोल, ‘परम सुंदरी’च्या सेटवरील BTS व्हिडीओ व्हायरल
तसेच, अभिनेत्रीच्या कामाबद्दल बोलायचं झालं तर तिने मराठी आणि हिंदी मालिकेमध्ये काम करून उत्कृष्ट भूमिका सादर करून प्रेक्षकांच्या मनात घर केलं आहे. ‘या सुखांनो या’, ‘चार दिवस सासूचे’, ‘तू तिथे मी’ यांसारख्या मालिकांमधून त्यांनी स्वतःची वेगळी ओळख निर्माण केली. मात्र, हिंदी टेलिव्हिजनवरील सुपरहिट मालिका ‘पवित्र रिश्ता’ मधील ‘वर्षा’ या त्यांच्या भूमिकेमुळे अभिनेत्रीला घराघरात लोकप्रियता मिळाली. त्यानंतर ‘कसम से’, ‘बडे अच्छे लगते हैं’, ‘साथ निभाना साथिया’, तसेच ‘कॉमेडी सर्कस’ सारख्या शोजमध्ये त्यांनी बहुरंगी भूमिका साकारल्या. प्रियाच्या जाण्याने मराठी आणि हिंदी इंडस्ट्रीला मोठा धक्काच बसला आहे.
.png "Videos"){kind=small}
