अभिनेता सुमित राघवनने अलिकडेच मुंबईच्या पश्चिम द्रुतगती मार्गावरील प्रवासादरम्यानचा व्हिडिओ शेअर करून आपल्या ट्विटर अकाऊंटवर शेअर केला आहे. या ट्विटमधून त्याने अनधिकृत दुकानं आणि विक्रत्यांचं होतं असलेलं आक्रमण यावर प्रकाश टाकण्याचा प्रयत्न केला आहे. तसंच हे ट्विट त्याने मुंबई महानगरपालिका, राज्याचे पर्यावरण मंत्री आणि मुंबईचे पालक मंत्री आदित्य ठाकरे आणि मुख्यमंत्री कार्यालयालाही टॅगही केलं आहे. त्यामुळे त्याचं ही ट्विट अधिक चर्चिलं जातं आहे.
सुमितनं वांद्रे ते दहिसर या मार्गावर असलेल्या अनधिकृत दुकानांचा व्हिडीओ शेअर करताना लिहिलं, ‘मेट्रो कारशेड्स तुम्ही हलवली. पण दहिसर टोलनाक्यावरील किंवा पश्चिम द्रुतगती मार्गावरील अनधिकृत दुकाने हलवण्यात आलेली नाहीत. मुंबईकर मुंबईबाहेर जातील आणि तुम्हाला या अतिक्रमण करणाऱ्यांसोबत शहरात आनंदाने राहता येतील, याची काळजी घ्या.’ आपल्या या ट्वीटमधून सुमितनं मुंबईच्या रस्त्यांवर अतिक्रमण करणाऱ्या या अनधिकृत दुकानांबाबत नाराजी व्यक्त केली आहे. आता या ट्विटवरुन काही कारवाई होते का? महापालिका यावर काही उत्तर देते का? हे पाहाणं महत्वाचं ठरणार आहे.
Shift the metro carsheds. But see to it that you don’t shift the f¥©k€d up Dahisar toll naka or these illegal shops bang on the WEH. See to it that the mumbaikar shifts out of Mumbai so that you guys along with the encroachers can enjoy a peaceful life in this city.@mybmc https://t.co/MIMiZMjtQR pic.twitter.com/OCBwe6ki11 — Sumeet Raghvan सुमीत राघवन (@sumrag) February 27, 2022
