रितेश- जिनिलियाने वेगळ्या पद्धतीने मानले प्रेक्षकांचे आभार, ‘वेड’ चित्रपट रिलीज झाल्यानंतर दिली ‘ही’ खास भेट, सिनेसृष्टीत पहिल्यांदाच घडलाय असा प्रकार

‘वेड’ चित्रपटात आता सत्या(रितेश देशमुख) आणि श्रावणी(जिनीलिया देशमुख) यांच्यावर चित्रित केलेलं ‘वेड तुझे..’ या गाण्याचं नवं व्हर्जन (Ved Tujha Song New Version) सामिल करण्यात येणार आहे. सोबत काही नवे सीन्सही चित्रित करून सामिल करण्यात आले आहेत. येत्या शुक्रवारी म्हणजे २० जानेवारी,२०२३ पासून चित्रपटगृहात ‘वेड’ पाहताना आता या नव्या गाण्याचा आनंदही प्रेक्षक लुटू शकणार आहेत.

मुंबई फिल्म कंपनी (Mumbai Film Company) निर्मित आणि रितेश देशमुख (Riteish Deshmukh) दिग्दर्शित ‘वेड’ (Ved) चित्रपटानं अख्ख्या महाराष्ट्रालाच नाही तर सबंध जगाला आपलं वेड लावलं आहे. चित्रपटानं आता ५० कोटींकडे घोडदौड सुरु केली आहे. वेड चित्रपटाची कथा,संवाद,गाणी असं सगळंच प्रेक्षकांना भावलं. चित्रपटातील कलाकारांचे अभिनय,दिग्दर्शन आणि निर्मिती मूल्यानंही प्रेक्षकांची पसंती मिळवली. याच प्रेक्षकांच्या उदंड प्रतिसादामुळं ‘वेड’ चित्रपट ब्लॉकबस्टर ठरला.  त्यामुळे आता वेळ आहे एक पाऊल पुढे जाण्याची. काहीतरी नेहमीपेक्षा हटके करण्याची असा विचार चित्रपटाच्या टीमने केला.

See more