सलमान खानच्या घराबाहेरी गोळीबार प्रकरणात पोलिसांना आणखी एक यश, तापी नदीतून एक बंदूक केली जप्त!

पोलिसांना सुरतमधील तापी नदीतून घटनेसाठी वापरलेल्या बंदुकीसह काही जिवंत काडतुसेही सापडली आहेत.

१४ एप्रिल रोजी रविवारी पहाटे 5 वाजताअभिनेता सलमान खानच्या (Salman Khan) मुंबईतील  गॅलक्सी अपार्टमेंटबाहेर दोघांनी हवेत गोळीबार  (Salman Khan House Firing Case) केला. या प्रकरणी दोन आरोपींना गुजरातमधील भुज येथून अटक करण्यात आली. आता या प्रकरणी आता मोठी अपडेट समोर आली आहे. मुंबई गुन्हे शाखेने सूरतमधील तापी नदीतून एक बंदूक आणि काही जिवंत काडतुसे जप्त केली आहेत, जी अभिनेत्याच्या घराबाहेर गोळीबारात वापरली गेली होती. आता पोलीस दुसऱ्या बंदुकीचा शोध घेत आहेत.

[read_also content=”प्रियांका चोप्राचा आवाज असलेली ‘टायगर’ डॉक्यूमेंट्री रिलीज, मातृभाव असलेली आई -मुलांची कथा बघताना येईल अद्भुत अनुभव! https://www.navarashtra.com/movies/priyanka-chopra-documentary-tiger-streamed-on-hotstar-on-occasion-of-earth-day-nrps-526220.html”]

गोळीबार प्रकरणातील आरोपींना 14 दिवसांची कोठडी

रविवारी , 14 एप्रिलला पहाटे पाच वाजता सलमान खानच्या घरावर दुचाकीवर आलेल्या आरोपींनी गोळीबार केला आणि तिथून पळ काढला. या घटनेचा तपास सुरू असताना पोलिसांनी सीसीटीव्ही फुटेज तपासले असता त्यात दोन्ही आरोपी गोळीबार करून पळताना दिसले. दरम्यान पोलिसांनी तपासचक्रे फिरवत आरोपींचा मागोवा घेत त्यांना गुजरातच्य भुज येथून अटक केली. त्यांना न्यायालयात हजर केलं असता मुंबई गुन्हे शाखेने आरोपींच्या 14 दिवसांच्या कोठडीची मागणी केली होती. न्यायालयाने दोन्ही आरोपींना 25 एप्रिलपर्यंत गुन्हे शाखेच्या कोठडीत पाठवले आहे. आत पोलीस त्यांनी कसुन चौकशी करणार आहेत.