सिद्धार्थ जाधव आणि सोनाली कुलकर्णीमध्ये होता 10 वर्षांचा अबोला!
अभिनेत्रीने सांगितला शुटींगदरम्यानचा ‘तो’ किस्सा
मराठी सिनेविश्वाबाबात सांगायचं तर अप्सरा म्हटलं की पहिले डोळ्यासमोर येते ती अभिनेत्री सोनाली कुलकर्णी. नुकतंच सोनाली व्हायफळच्या पॉडकास्टमध्ये दिसली. वेगवेगळ्या विषयावर गप्पा मारताना सोनाली म्हणाली की आयुष्य खुप छोटं आहे तुम्हाला कधी तुमच्या जवळच्य़ा व्यक्तीला सॉरी म्हणायला वेळ मिळेल की नाही माहित नाही. सोनाली म्हणाली की तिला तिच्या एका मित्राने अजूनही ब्लॉक केलं आहे आणि तो आताही तिच्याशी बोलत नाही. सोनालीने कॅमेऱ्यासमोर सांगितलं की मी मिस करते तुला. यापुढे ती असं देखील म्हणाली की, माझा अजून एक चांगला मित्र आहे जो माझ्याशी तब्बल 10 वर्ष बोलत नव्हता. सांगायला आता काहीच हरकत नाही कारण अनेकदा आम्ही सोशल मीडिया किंवा माध्यमांमध्ये देखील सांगितलं आहे की, सिद्धार्थ जाधव आणि मी खूप चांगले मित्र आहोत.
एकदा असं झालं की,एका सिनेमाचं शुट सुरु होतं आणि शुटींग दरम्यान काहीतरी शुल्लक कारणावरुन सिद्धार्थने माझ्याशी बोलणं बंद केलं आणि तो माझ्याशी 10 वर्ष बोलत नव्हता. नंतर झालं असं की, श्रीदेवीचं जेव्हा निधन झालं तेव्हा त्याने मला फोन केला आणि म्हणाला जाऊदेत मागचे सगळे हेवेदावे आणि राग रुसवा सोडून आपण पुन्हा एकदा छान मित्र म्हणून राहुयात. श्रीदेवीने जेव्हा जगाचा निरोप घेतला तेव्हा सिद्धार्थला साक्षात्कार झाला की, असं कधीतरी मी मेलो किंवा सोनाली गेली तर सॉरी म्हणताच येणार नाही. त्यावर सोनाली म्हणाली की तुला हे समजायला 10 वर्ष लागली पण ठिक आहे निदान तुला हे कळलं तरी. त्यानंतर आमची मैत्री अधिकच घट्ट होत गेली. सिद्धार्थबद्दल सांगताना सोनाली म्हणाली की, तो माझा सहकलाकर आणि खूप जास्त जवळचा मित्र देखील आहे, सिद्धार्थ आणि मी आम्ही अतिशय निर्लज्ज मित्र आहोत. निदान 10 वर्षांनी का होईना आम्ही अजून खूप चांगले मित्र झालो असं सोनालीने सांगितलं. ‘
‘सालबर्डी’ सिनेमात सोनाली मंजुळा या आयटम साँगमधून एका वेगळ्याच लुकमध्ये प्रेक्षकांना दिसणार आहे. खरंतर अप्सरा आली या गाण्याने सोनालीला एक वेगळी ओळख दिली असली तरी, तिच्या आयटम साँगना प्रेक्षकांनी चांगला प्रतिसाद देखील दिला. ‘सालबर्डी’च्या आधीदेखील सोनालीने ‘हाय काय नाय काय’ सिनेमात ‘देही वणवा पिसाटला’ आणि ‘टाईमपास 2’ या सिनेमात ‘मदन पिचकारी’ या आयटम साँगवर अनेकांचे पाय थिरकले. तिच्या या नव्या गाण्याला देखील प्रेक्षक दाद देखील का हे पाहणं महत्वाचं ठरणार आहे.
.png "Videos"){kind=small}
