(फोटो सौजन्य - सोशल मीडिया)
धीरज सरना दिग्दर्शित ‘द साबरमती रिपोर्ट’ चित्रपट १५ नोव्हेंबरला बॉक्स ऑफिसवर रिलीज झालेला आहे. विक्रांत मेस्सी, राशी खन्ना आणि रिद्धी डोग्रा स्टारर चित्रपटाचा ट्रेलर रिलीज झाल्यापासून प्रेक्षकांमध्ये चित्रपटाबद्दल जोरदार क्रेझ आहे. २००२ मध्ये गुजरातच्या गोध्रातील साबरमती एक्सप्रेसमध्ये घडलेल्या घटनेवर आधारित ‘द साबरमती रिपोर्ट’ चित्रपटाचे कथानक आहे. या चित्रपटाच्या पहिल्या दिवसाचे बॉक्स ऑफिस कलेक्शन समोर आले आहे. चित्रपटाला प्रेक्षकांचा फार चांगला प्रतिसाद मिळालेला नाही. चित्रपटाने पहिल्या दिवशी देशभरात किती रुपयांची कमाई केली आहे, जाणून घेऊया…
गेल्या अनेक दिवसांपासून चित्रपटाची प्रेक्षकांमध्ये जोरदार चर्चा होताना पाहायला मिळत आहे. अखेर मोठ्या प्रतिक्षेनंतर हा चित्रपट शुक्रवारी (१५ नोव्हेंबर रोजी) थिएटरमध्ये प्रदर्शित झाला. चित्रपटाच्या पहिल्या दिवसाच्या कमाईचे आकडे समोर आले आहेत. सॅकल्निक ट्रेड ॲनालिस्टने दिलेल्या माहितीनुसार, चित्रपटाने पहिल्या दिवशी १. २५ कोटींची कमाई केलेली आहे. ५० कोटी रुपयांचे बजेट असलेल्या या चित्रपटाची ओपनिंग खूपच संथ आहे. त्यामुळे हा चित्रपट पहिल्या विकेंडला किती कमाई करणार हे पाहणं औत्सुक्याचं ठरणार आहे.
चित्रपटाची निर्मिती एकता कपूरने केली असून चित्रपटाचे दिग्दर्शन धीरज सरनाने केले आहे. चांगली कथा असूनही या चित्रपटाला प्री बुकिंगचा कोणताही फायदा झाला नाही. निर्मात्यांच्या मते, चित्रपटाला कदाचित विकेंडचा फायदा नक्कीच होण्याची अपेक्षा आहे. २००२ मध्ये गुजरातच्या गोध्रातील साबरमती एक्सप्रेसमध्ये घडलेल्या घटनेवर आधारित ‘द साबरमती रिपोर्ट’ चित्रपटाचे कथानक आहे. विक्रांत मेस्सीने चित्रपटामध्ये एका पत्रकाराची भूमिका साकारली आहे. गुजरातमधील गोधरामध्ये, २७ फेब्रुवारी २००२ मध्ये घडलेल्या घटनेने संपूर्ण देश हादरला. या घटनेमुळे संपूर्ण देशात राजकीय आणि सामाजिक पडसाद उमटले होते. गोधरा रेल्वे स्टेशनवरून निघालेली साबरमती एक्सप्रेस चेन ओढून थांबवण्यात आली होती. त्यानंतर या ट्रेनच्या एका डब्ब्याला आग लावण्यात आली होती. या आगीमध्ये, ५९ जणांचा होरपळून मृत्यू झाला.
.png "Videos"){kind=small}
