Prajakta Mali च्या 'शिवस्तुती नृत्याविष्कार' कार्यक्रमाला त्र्यंबकेश्वर देवस्थानच्या माजी विश्वस्तांकडून विरोध, कारणंही सांगितलं
महाशिवरात्रीनिमित्त देशभरातल्या शिवमंदिरांमध्ये वेगवेगळ्या कार्यक्रमांचं आयोजन करण्यात येत असते. बारा ज्योतिर्लिंगापैकी एक असलेल्या त्र्यंबकेश्वर इथंही भाविकांची महाराष्ट्रातल्या वेगवेगळ्या कानाकोपऱ्यातून दर्शनासाठी गर्दी होणार असल्यानं देवस्थानाच्या वतीनं विविध कार्यक्रमाचं आयोजन करण्यात येतं. गेल्या अनेक दिवसांपासून कार्यक्रमांची तयारी सुरु आहे. त्र्यंबकेश्वर देवस्थानाच्या वतीनं काही सांस्कृतिक कार्यक्रमांचंही आयोजन करण्यात आलं होतं. या कार्यक्रमांमध्ये, मराठमोळी अभिनेत्री प्राजक्ता माळीच्याही ‘शिवस्तुती नृत्याविष्कार’ कार्यक्रमाचा समावेश होता. पण आता हा कार्यक्रम वादाच्या भोवऱ्यात सापडला आहे. प्राजक्ता माळीच्या ‘शिवस्तुती नृत्याविष्कार’ कार्यक्रमाला मंदिर समितीच्या माजी विश्वस्तांनी विरोध केला आहे.
हळदी समारंभात वृषांकच्या मांडीवर बसून नाचताना दिसली प्राजक्ता; पहा या दोघांचे सुंदर PHOTOS
महाशिवरात्रीनिमित्त संध्याकाळी मंदिराच्या प्रांगणात मराठमोळी अभिनेत्री आणि नृत्यांगणा प्राजक्ता माळी हिच्या ‘शिवस्तुती नृत्याविष्कार’ कार्यक्रमाचं आयोजन करण्यात आलं आहे. पण, आता त्या कार्यक्रमावरुन वादाला तोंड फुटल्याचं दिसत आहे. महाशिवरात्रीनिमित्त त्र्यंबकेश्वरमध्ये होणाऱ्या प्राजक्ता माळीच्या ‘शिवस्तुती नृत्याविष्कार’च्या कार्यक्रमाला विरोध होत आहे. सेलिब्रिटींच्या इव्हेंटची मंदिरात परंपरा नाही, असं पत्र मंदिर समितीचे माजी विश्वस्त ललिता शिंदे यांनी नाशिक ग्रामीण पोलिसांना लिहिलं आहे. सेलिब्रिटींच्या इव्हेंटची मंदिरात परंपरा नाही, चुकीचा पायंडा पाडू नये, मंदिरातील धार्मिक वातावरण बिघडू नये अशी आमची इच्छा, अशी मागणी करणारं पत्र माजी विश्वस्त ललिता शिंदे यांनी नाशिक ग्रामीण पोलिसांना लिहिलं आहे.
माजी विश्वस्त ललिता शिंदे इव्हेंटबद्दल प्रतिक्रिया देताना म्हणाल्या की, “महाशिवरात्रीचा दिवस हा अतिशय पवित्र दिवस आहे. त्यामुळे इथे धार्मिकच कार्यक्रमाचे आयोजन व्हायला पाहिजे. जरी प्राजक्ता माळी तिथे ‘शिवस्तुती नृत्याविष्कार’ सादर करणार असेल, तरीदेखील याचा इथे पुर्नविचार झाला पाहिजे. मी स्वतः माजी विश्वस्त आहे, शास्त्रीय नृत्य ठेवलं पाहिजे, कथ्थक नृत्य ठेवलं पाहिजे, पण सेलिब्रिटींना आणून त्रंबकेश्वरमध्ये एक वेगळाच पायंडा त्रंबकेश्वर देवस्थानाच्या ट्रस्टनं सुरू केला आहे. जे अत्यंत चुकीचं घडत आहे, त्यामुळे हे थांबलं पाहिजे आणि तात्काळ यामध्ये बदल झाला पाहिजे…”
दरम्यान, महाशिवरात्रीनिमित्त मंदिर विश्वस्तांच्या वतीनं मराठी अभिनेत्री प्राजक्ता माळी हिच्या ‘शिवस्तुती नृत्याविष्कार’ या कार्यक्रमाचं आयोजन करण्यात आलं आहे. आता माजी विश्वस्तांनी कार्यक्रमावर आक्षेप घेतल्यामुळे प्राजक्ता माळीचा कार्यक्रम रद्द होणार का? हे पाहणं महत्त्वाचं ठरणार आहे.
.png "Videos"){kind=small}
