vahida rehman
दिल्ली: राष्ट्रीय चित्रपट पुरस्कारांची (69th National Film Awards) घोषणा 24 ऑगस्ट रोजी करण्यात आली होती. चित्रपट, साहित्य आणि कला क्षेत्रात सर्वोत्कृष्ट काम करणाऱ्या कलाकारांना भारत सरकारकडून हे पुरस्कार दरवर्षी दिले जातात. आज या पुरस्कारांचं वितरण दिल्लीत करण्यात आलं. या पुरस्कार सोहळ्यात ज्येष्ठ अभिनेत्री वहिदा रेहमान (Waheeda Rehman) यांचा भारताच्या राष्ट्रपती द्रौपदी मुर्मु यांच्या हस्ते दादासाहेब फाळके पुरस्कार देऊन सन्मान करण्यात आला.
#WATCH | Delhi | “…very honoured, very humbled..,” says veteran actress Waheeda Rehman as she receives the Dadasaheb Phalke Lifetime Achievement Award. pic.twitter.com/RY02EDKyGI
— ANI (@ANI) October 17, 2023
वहिदा रेहमान हा पुरस्कार स्वीकारताना भावूक झाल्याचं दिसत होतं. यावेळी उपस्थित असलेल्या मान्यवरांशी संवाद साधताना त्या म्हणाल्या, “आदरणीय मंत्री अनुराग ठाकूर व साऱ्या ज्यूरी मेंबर्सचे मी मनापासून आभार मानू इच्छिते. माझ्यासाठी ही फार अभिमानाची गोष्ट आहे. आज मी जिथे पोहोचले आहे याचं सर्व श्रेय माझ्या लाडक्या चित्रपटसृष्टीला जातं.”
पुढे त्या म्हणाल्या, “नशिबाने मला सगळ्यात उत्तम असे दिग्दर्शक, निर्माते, फिल्ममेकर्स, संगीत दिग्दर्शक, तंत्रज्ञ, लेखक या सगळ्यांचा आधार आणि मार्गदर्शन मिळालं. याबरोबरच मेक-अप आर्टिस्ट, वेशभूषाकार यांचाही यात सिंहाचा वाटा असतो. त्यामुळेच हा पुरस्कार मी या चित्रपटसृष्टीतील साऱ्या डिपार्टमेंटबरोबर शेअर करू इच्छिते.”
वहिदा रहमान या बॉलीवूडमधल्या प्रसिद्ध ज्येष्ठ अभिनेत्री आहेत. गाइड, प्यासा, कागज के फूल आणि चौदवी का चांद हे त्यांचे काही लोकप्रिय चित्रपट आहेत. आमिर खानच्या ‘रंग दे बसंती’मध्येही त्यांनी महत्त्वाचा रोल केला होता. याआधी वहिदा रहमान यांना पद्मभूषण आणि पद्मश्रीने सन्मानित करण्यात आलं आहे.
.png "Videos"){kind=small}
