हिंदू संस्कृतीमध्ये अधिक मासाला विशेष महत्व आहे. यंदाच्या वर्षी १७ मे पासून ते १६ जून या कालावधीपर्यंत अधिक मास आहे. या दिवसांमध्ये दानधर्म केल्यास खूप जास्त शुभ आणि पुण्याचे मानले जाते. तसेच सुवासिनी महिला अधिक मासात आवर्जून जोडव्यांची खरेदी करतात. त्यामुळे यंदाच्या अधिक मासात तुमच्या आई किंवा बहिणीसाठी जोडव्यांची खरेदी करायची असेल तर या डिझाईन नक्कीच खरेदी करू शकता. या डिझाईनच्या जोडाव्यात पायात घातल्यानंतर उठावदार आणि स्टायलिश दिसतील. (फोटो सौजन्य – pinterest)
अधिक मास स्पेशल: पारंपरिक लूकला द्या रॉयल टच! अधिक मासात खरेदी करा चांदीच्या आकर्षक आणि युनिक डिझाईन्स जोडव्या
पूर्वीच्या काळापासून ते आत्तापर्यंत सर्वच महिलांना मासोळ्या परिधान करायला खूप जास्त आवडतात. साडी किंवा कोणताही पारंपरिक लूक केल्यानंतर त्यावर तुम्ही मासोळ्या किंवा मोठ्या डिझाईनच्या जोडव्या परिधान करू शकता.
चांदीच्या जोडव्यांवर लाल, हिरव्या किंवा निळ्या रंगाचे मिनाकाम केलेली डिझाईन रोजच्या वापरासाठी उत्तम आहे. नाजूक साजूक जोडव्या कोणत्याही ड्रेस किंवा साडीवर सुंदरच दिसतात.
साध्या वळणाच्या जोडव्या प्रामुख्याने रोजच्या वापरात घातल्या जातात. या जोडव्या बोटांमध्ये घातल्यानंतर बोट अतिशय भरीव आणि सुंदर दिसतात. नव्या नवरीच्या पायात प्रामुख्याने या डिझाईनचे जोडव्या पाहायला मिळतात.
अधुनिक जोडव्यांमध्ये त्रिकोण, चौकोन किंवा कमळाच्या आकारातील नाजूक साजूक डिझाईन पाहायला मिळतात. त्यामुळे आई किंवा बहिणीसाठी तुम्ही ही डिझाईनच घेऊ शकता.
अधिक मासात जोडवी खरेदी करणे अतिशय शुभ मानले जाते. बाजारात जोडव्यांच्या लेटस्ट डिझाइनसुद्धा उपलब्ध झाल्या आहेत.कमळ किंवा फुलांच्या आकारातील जोडव्यांची तुम्ही खरेदी करू शकता.
