Asha Bhosle Died: २-४ नव्हे तर तब्बल इतके Filmfare पुरस्कार आशा भोसलेंच्या नावावर! गिनीज वर्ल्ड रेकॉर्डमध्येही नोंद

आपली थोरली बहिण गायिका लता मंगेशकर यांच्या पाऊलावर पाऊल ठेवत त्यांनीही संगीत जगतात एंट्री घेतली जिथे त्यांच्या आवाजाला भरपूर प्रसिद्धी मिळाली. अनेक पुरस्कारांसह गिनीज बुक ऑफ वर्ल्ड रेकॉर्ड्समध्ये नोंद झालेल्या मोजक्या कलाकारांपैकी त्या एक आहेत.

मिळालेल्या माहितीनुसार, आशा भोसलेंनी एकूण नऊ फिल्मफेअर आवार्ड्स आपल्या नावावर केले. यापैकी सात पुरस्कार स्पर्धात्मक होते, जे त्यांनी १९६७ ते १९७९ दरम्यान जिंकले.

यासहच १९९६ मध्ये त्यांना 'रंगीला' या चित्रपटासाठी विशेष पुरस्काराने सन्मानित करण्यात आलं होतं. आशा भोसलेंना २००१ मध्ये जीवनगाैरव पुरस्कारानेही सन्मानित करण्यात आलं होतं.

त्यांना भारताचा सर्वोच्च कला सन्मान असलेल्या दादासाहेब फाल्के पुरस्काराने गौरविण्यात आले. एवढंच काय तर देशाचा दुसरा सर्वोच्च नागरी सन्मान असलेल्या पद्मविभूषण पुरस्कारानेही त्यांना नावाजले गेले होते.

फक्त देशातच कशाला तर जगातील सर्वात फेमस पुरस्कार गिनीज बुक ऑफ वर्ल्ड रेकॉर्ड्समध्येही त्यांचे नाव नोंदवण्यात आले. २०११ मध्ये, २० वेगवेगळ्या भाषांमध्ये ११,००० पेक्षा जास्त गाणी रेकॉर्ड केल्याबद्दल त्यांची नोंद यात करण्यात आली होती.