सणासुदीच्या दिवसांमध्ये किंवा लग्न समारंभात महिला काठापदराच्या किंवा पैठणी साडी परिधान करतात. काठाची साडी नेसल्यानंतर साडीचा लुक खूप सुंदर आणि उठावदार दिसतो. सर्वच महिलांच्या वॉर्डरोबमध्ये वेगवेगळ्या रंगाच्या जरीच्या आणि काठच्या साड्या असतात. पण साड्यांची योग्य पद्धतीने काळजी घेतली नाहीतर साड्यांचे काठ जुने पडतात आणि साडीची चमक निघून जाते. साडीचा काठ काळा पडल्यानंतर साडी नेसण्याची इच्छा होत नाही. त्यामुळे आज आम्ही तुम्हाला काठाच्या साड्यांची कश्या प्रकारे काळजी घ्यावी, याबद्दल सांगणार आहोत. चला तर जाणून घेऊया. (फोटो सौजन्य-pinterest)
काठापदराच्या साड्यांची या पद्धतीने घ्या काळजी
काठापदराची किंवा पैठणी साडी नेसल्यानंतर त्यावर परफ्युम, डिओ लावू नये. यामुळे साडीचा रंग आणि काठ खराब होण्याची शक्यता असते. केमिकलयुक्त रसायनांमुळे साडी तयार करण्यासाठी वापरलेली जरी काळी दिसू लागते.
कपाटातील कपड्यांना वास येऊ नये म्हणून नॅफ्थलीनच्या गोळ्या वापरल्या जातात. पण साड्यांमध्ये नॅफ्थलीनच्या गोळ्या वापरू नये. यामुळे साडीचा काठ खराब होऊन साडीचा पूर्ण लुक बदलून जातो.
अनेक महिला महागातल्या साड्या सुटकेस किंवा हॅंगरवर लावून कपाटात लावून ठेवतात. पण यामुळे साड्यांचे काठ आणि साडी खराब होण्याची शक्यता असते. त्यामुळे साडी नेहमी पिशवीमध्ये किंवा साडी कव्हरमध्ये भरून ठेवावी.
काठापदराच्या किंवा हेवी वर्क केलेल्या साड्या नेहमी साडी क्वहरमध्ये ठेवाव्यात. यामुळे साडी खराब होत नाही आणि साड्यांचा रंग तसाच कायम टिकून राहतो.
काठापदराच्या साड्या कधीच पाण्याने धुवू नये. यामुळे साड्यांची शाईन निघून जाते आणि रंग फिका पडतो.
