सौजन्य फोटो : AI Gemini
९ नोव्हेंबर रोजी रात्री विमानतळाकडे जाणाऱ्या रस्त्यावर एक धक्कादायक घटना घडली होती. यात चोरट्यांनी एका तरुणाला अडवून मारहाण केली होती. मारहाण केल्यानंतर आरोपींनी फिर्यादीकडील मोबाइल, सोन्याची अंगठी आणि २९ हजार रुपये असा मुद्देमाल लंपास केला होता.
संबंधित तरुणाने पोलिसात धाव घेत या प्रकरणाची तक्रार दाखल केली. या तक्रारीनुसार, लूटमार प्रकरणाचा तपास करताना येरवडा पोलिसांनी परिसरातील तब्बल ४० सीसीटीव्ही कॅमेऱ्यांचे फुटेज बारकाईने तपासले. त्याआधारे आरोपी रेहान अश्रफ शेख याची ओळख पटवून त्याला ताब्यात घेण्यात आले. टोळीतील इतर साथीदारांचाही शोध सुरू आहे. रात्रीच्या अंधारात होणाऱ्या या लुटमारीच्या घटनांमुळे नागरिकांमध्ये भीतीचे वातावरण निर्माण झाले आहे.
बारामतीतही एका ८५ वर्षीय माजी सैनिकासोबत अतिशय विचित्र आणि धक्कादायक घटना घडली. साहेबराव रामभाऊ खेडकर असे त्यांचे नाव आहे. खेडकर हे आपल्या जुन्या अंगठ्या बदलून दोन नवीन अंगठ्या बनवण्यासाठी बारामतीतील चंदूकाका सराफ येथे गेले होते. तेथून नातेवाईकासोबत दुचाकीवरून परतत असताना हा प्रकार घडला. दुचाकीवरून आलेल्या दोघांनी त्यांना थांबवून आपण पोलीस असल्याचे सांगितले. बारामतीत चोऱ्या वाढल्याचे सांगत तपासणीच्या नावाखाली अंगठ्या काढून घेतल्या आणि रुमालात गुंडाळून परत दिल्या. मात्र, काहीच वेळात आपली फसवणूक झाल्याचे आणि अंगठ्या गायब असल्याचे त्यांच्या लक्षात आले.
Ans: येरवडा पोलिसांनी ४० सीसीटीव्ही फुटेज तपासल्यानंतर लोहगाव येथील कलवड वस्तीत राहणाऱ्या रेहान अश्रफ शेख (वय १९) या आरोपीला अटक केली आहे.
Ans: विमानतळाकडे जाणाऱ्या रस्त्यावर तरुणाला मारहाण करून चोरट्यांनी मोबाइल, सोन्याची अंगठी आणि २९ हजार रुपये लुटून नेले होते.
Ans: ८५ वर्षीय माजी सैनिक साहेबराव रामभाऊ खेडकर हे सराफाकडून दुचाकीवरून परतत असताना, दुचाकीवरील दोघांनी पोलीस असल्याचे सांगून तपासणीच्या नावाखाली त्यांच्या अंगठ्या काढून घेतल्या व हातचलाखी करून फसवणूक केली.






