गुरुवार, 25 जून 2026
नथ हा महाराष्ट्रातील अतिशय लोकप्रिय दागिना आहे. पूर्वीच्या काळापासून ते आत्तापर्यंत सर्वच स्त्रिया सणावारांच्या दिवसांमध्ये नाकात नथ घालतात. नथ घातल्यामुळे लुक पारंपरिक आणि मराठमोळा दिसतो. वटपौर्णिमा सणाला अवघे काही दिवस शिल्लक राहिले आहेत. नऊवारी किंवा पैठणी साडी नेसल्यानंतर त्यावर सुंदर सुंदर दागिने घेतले जातात. साडीवरील लुक पूर्ण करण्यासाठी सुंदर नथ घातली जाते. त्यामुळे यंदाच्या वटपौर्णिमेला लुक आणखीनच सुंदर करण्यासाठी या पारंपरिक डिझाईनच्या नथ नक्कीच खरेदी करा. (फोटो सौजन्य – pinterest)
Vat Purnima 2026: वटपौर्णिमेला खरेदी करा 'या' मराठमोळ्या डिझाईनच्या सुंदर नथ, चारचौघांमध्ये होईल गोड कौतुक
वटपौर्णिमा सणाला साडी नेसल्यानंतर त्यावर नथ घातली जाते. मोती, लाल-हिरवे खडे आणि मध्यभागी असलेला मोठा बसरा मोती महिलांच्या सौंदर्याला पारंपारीक साज देतो.
नऊवारी साडी नेसल्यानंतर त्यावर पेशवाई किंवा मोठ्या आकाराची नथ घालू शकते. पांढऱ्या मोत्यांची नथ नाकात अतिशय शोभून दिसते.
हल्ली बाजारात हाताने तयार केलेल्या जाणाऱ्या नावाच्या नथ सुद्धा उपलब्ध आहेत. या नथ नाकात घातल्यानंतर लुक नाक भरगच्च दिसते.
वटपौर्णिमेला साडीच्या रंगाची नथ खरेदी करू शकता. मोत्यासोबतच डायमंड, बारीक रत्न इत्यादी वेगवेगळ्या डिझाईनच्या नथ उपलब्ध झाल्या आहेत.
कोकणी नथ, पेशवाई नथ, आणि कारवारी नथ हे नथीचे प्रमुख तीन प्रकार आहेत. पूर्वीच्या काळी नथ हा दागिना पतीच्या ऐश्वर्याचे किंवा श्रीमंतीचे प्रतीक मानला जायचा. त्यामुळे कोणत्याही कार्यक्रमात आवर्जून नथ घातली जाते.
