‘ही गुलाबी हवा…’ यावर्षीही Cannes 2025 मध्ये मराठमोळ्या छाया कदमची छाप, गुलाबी साडी आणि…

फिल्मी दुनियेतील महत्त्वाचा मानला जाणारा कान्स फिल्म फेस्टिव्हलची जगभरात चर्चा सुरू आहे. हा फेस्टिव्हल सुरु होऊन नुकतेच काही दिवस उलटले आहेत.

फक्त चित्रपटांसाठीच नाही तर, सेलिब्रिटींच्याही फॅशनने हा फेस्टिव्हल दरवर्षी सर्वांचे सातत्याने लक्ष वेधून घेतो. या फेस्टिव्हलमध्ये बॉलिवूड सेलिब्रिटीही मोठ्या प्रमाणावर उपस्थिती लावताना दिसतात.

अशातच सध्या प्रसिद्ध मराठमोळी अभिनेत्री छाया कदम चर्चेत आली आहे. तिने यावर्षी दुसऱ्यांदा या फिल्म फेस्टिव्हलसाठी हजेरी लावली आहे.

या फिल्म फेस्टिव्हलमध्ये छाया कदम यांनी 'स्नो फ्लॉवर' नावाच्या चित्रपटाच्या स्क्रिनिंग साठी हजेरी लावली होती. अभिनेत्रीने रेड कलरची साडी नेसून खूप सुंदर फोटोशूट शेअर केले..

फोटो शेअर करताना अभिनेत्रीने कॅप्शन दिले की, "२०२५ मधील कान्स फिल्म फेस्टिव्हलचा हा पहिला दिवस. मागच्या वर्षी बरोबर याच दिवशी माझा कान्स मधला पहिला दिवस होता. त्यावेळी अगदी नवखी असल्या सारखी वावरत होते. काही गोष्टींचे उगाचच दडपण घेतलं होतं. पण ते ही मी एन्जॉय केलं होतं."

"यावर्षी ही जागा - हे शहर आणि इथे भेटणारी माणसं सगळं आपलं आपलं वाटतंय. इथल्या रस्त्यांसोबत - इथल्या रंगीबेरंगी कपडे घातलेल्या माणसांसोबत जुनी ओळख असल्या सारखं वाटतंय. गेल्या वर्षीच्या कान्स फेस्टीव्हल मुळे तयार झालेले कुटुंब यावर्षी अजून विस्तारात गेल्याचे जाणवले. आता उत्सुकता आहे ती आजच्या माझ्या आणि अर्थात आपल्या Snow Flower च्या स्क्रिनिंगची." असं शेअर केलेल्या पोस्टमध्ये अभिनेत्री म्हणाली.