शरीराची कमी झालेली रोगप्रतिकारशक्ती सुधारण्यासाठी आहारात करा ‘या’ Vitamin-C युक्त पदार्थांचे सेवन, कायमच राहाल निरोगी

विटामिन सी ची कमतरता भरून काढण्यासाठी नियमित एक संत्र खावे. संत्र्याचा रस किंवा संत्र्याचे सेवन केल्यामुळे शरीर सुधारते. शरीराची कमी झालेली रोगप्रतिकारशक्ती सुधारण्यासाठी संत्र्याचे सेवन करावे.

आवळा खाणे आरोग्य आणि केसांसाठी फायदेशीर आहे. नियमित एक आवळा किंवा आवळ्याच्या रसाचे सेवन केल्यास रोगप्रतिकारशक्ती सुधरण्यास मदत होईल.भारतीय घरांमध्ये रोगप्रतिकारशक्ती सुधारण्यासाठी आवळ्याचे सेवन करण्याचा सल्ला दिला जातो.

लिंबू खाल्यामुळे जेवणाची चव वाढते आणि शरीरसुद्धा अनेक फायदे होतात. सकाळी उठल्यानंतर उपाशी पोटी लिंबू पाण्याचे सेवन केल्यास शरीरात साचून राहिलेले विषारी घटक बाहेर पडून जातील.

शिमला मिरची खाणे अनेकांना आवडत नाही. पण चवीला तिखट लागणारी शिमला मिरची विटामिन सी वाढवण्यासाठी मदत करते. त्यामुळे तुम्ही जेवणात रंगीत शिमला मिरचीचे सेवन करू शकता.

लहान मुलांपासून गाडी मोठ्यांपर्यंत सगळ्यांचं पेरू खायला खूप आवडते. चवीला आंबटगोड लागणारा पेरू विटामिन सी चे प्रमुख स्रोत आहे. त्यामुळे नियमित सॅलड किंवा नुसताच तुम्ही पेरू खाऊ शकता.