गुरुवार, 12 नोव्हेंबर 2026
धावपळीच्या जीवनशैलीमुळे प्रत्येक व्यक्ती कोणत्या ना कोणत्या आरोग्यासंबंधित समस्यांनी त्रस्त आहेत. त्यातील अनेकांमध्ये दिसून येणारी समस्या म्हणजे शरीरात वाढलेले उच्च यूरिक अ‍ॅसिड. कोलेस्ट्रॉल, मधुमेह आणि उच्च यूरिक अ‍ॅसिड वाढल्यानंतर शरीरात अनेक बदल दिसून येतात. या बदलांकडे सुरुवातीला लक्ष दिले जात नाही. पण उच्च यूरिक अ‍ॅसिड वाढल्यानंतर सांध्यांमध्ये वेदना होणे, गाऊट, हाडांमध्ये वाढलेल्या वेदना इत्यादी अनेक लक्षणे शरीरात दिसून येतात. म्हणूनच आज आम्ही तुम्हाला शरीरात वाढलेले उच्च यूरिक अ‍ॅसिड कमी करण्यासाठी कोणत्या ड्रायफ्रूटचे सेवन करावे, याबद्दल सविस्तर माहिती सांगणार आहोत. (फोटो सौजन्य – istock)
शरीरातील High Uric Acid कायमचे नष्ट करण्यासाठी आहारात करा 'या' ड्रायफ्रुट्सचे सेवन
दाहक-विरोधी गुणधर्मांनी समृद्ध असलेले अक्रोड आरोग्यासाठी अतिशय गुणकारी आहे. यामध्ये ओमेगा-३ फॅटी ऍसिड मोठ्या प्रमाणावर आढळून येते. याशिवाय अक्रोड खाल्यामुळे मेंदूच्या आरोग्याला अनेक फायदे होतात.
शरीरात वाढलेले युरिक अ‍ॅसिड कमी करण्यासाठी काजू खाण्याचा सल्ला दिला जातो. काजूमध्ये असलेले घटक शरीरात वाढलेले कोलेस्ट्रॉल कमी करण्यासाठी मदत करतात. त्यामुळे नियमित ३ किंवा ४ काजू खावेत.
लहान मुलांपासून अगदी मोठ्यांपर्यंत सगळ्यांचं बदाम खाण्याचा सल्ला दिला जातो. यामध्ये आढळून येणारे फायबर शरीरातील हानिकारक घटक बाहेर काढून टाकण्यासाठी मदत करतात.
किमतीने महाग असलेले पिस्ता अनेक लोक खाणे टाळतात. पिस्त्यामध्ये असलेले घटक शरीरासाठी आवश्यक ठरतात. यामध्ये फायबर आणि अँटी-ऑक्सिडंट्स इत्यादी घटक असतात.
अळशीच्या बिया आरोग्यासाठी अतिशय गुणकारी आहेत. या बियांमध्ये असलेले गुणधर्म शरीरात वाढलेली प्युरीनची पातळी नियंत्रणात ठेवण्यासाठी मदत करतात. अळशीच्या बिया रात्रभर पाण्यात भिजवून ठेवून नंतर तुम्ही सेवन करू शकता.
