सतत पडणाऱ्या पावसामुळे सगळीकडे गारवा निर्माण झाला आहे. पाऊस पडून गेल्यानंतर सगळीकडे मोठ्या प्रमाणावर रोगराई पसरते. दूषित पाणी, अन्नपदार्थ इत्यादी गोष्टींचे सेवन केल्याने आरोग्य पूर्णपणे बिघडून जाण्याची शक्यता असते. त्यामुळे पावसाळ्याच्या दिवसांमध्ये घरी बनवलेले ताजे अन्न खावे, जे पचनासाठी आणि आरोग्यसाठी फायदेशीर आहे. या दिवसांमध्ये आजार लगेच पसरू लागतात. त्यामुळे बाहेर मिळणारे पदार्थ खाणे टाळले पाहिजे. पावसाळ्यात आजार टाळण्यासाठी आहारात कोणत्या पदार्थांचे सेवन करू नये, याबद्दल सांगणार आहोत. हे पदार्थ खाल्यास आरोग्य बिघडण्याची शक्यता असते.(फोटो सौजन्य-istock)
पावसाळयाच्या दिवसांमध्ये 'या' पदार्थांचे सेवन करू नये
पावसाळा चालू झाल्यानंतर हिरव्या पालेभाज्यांचे सेवन करू नये. या भाज्यांमध्ये मोठ्या प्रमाणात बॅक्टेरिया, बुरशी आणि अनेक कीटक झपाट्याने वाढू लागतात. अशी भाजी खाल्ल्याने पोटासंबंधित विकार होण्याची शक्यता असते.
मशरूम जमिनीमधून उगवतात. पावसाळ्यात व्हिटॅमिन-डी, आयर्न आणि व्हिटॅमिन-बी असलेले अन्नपदार्थ आरोग्यसाठी हानिकारक ठरतात. वातावरणातील आद्र्रतेमुळे बॅक्टेरिया वेगाने वाढतात.
पाऊस पडण्यास सुरुवात झाल्यानंतर जलजीवांच्या पुनरुत्पादनाचा काळ सुरु होतो. त्यामुळे असे मासे खाल्ल्याने आरोग्य बिघडून जाते.समुद्राच्या पाण्यात अनेक जिवाणू आढळून येतात.
पावसाळ्याच्या दिवसांमध्ये दही खाल्ल्यास सर्दी, खोकला, घसा खवखवणे इत्यादी अनेक समस्या वाढू लागतात. दही हा पदार्थ थंड असल्याने पावसाळ्यात दही खाणे टाळावे.
बाजारातून आणलेली फळे स्वच्छ धुवूनच खावी, अन्यथा अशीच फळे खाल्ल्याने आरोग्य बिघडू शकते. बाजारात मिळणारे फळांचे रस प्यायल्यास आरोग्य बिघडण्याची शक्यता असते.
