सोमवार, 9 नोव्हेंबर 2026
वजन वाढल्यानंतर ते कमी करण्यासाठी अनेक वेगवेगळे उपाय केले जातात. महागडे सप्लिमेंट्स, तासनतास व्यायाम तर काहीवेळा गोळ्या औषधांचे सेवन सुद्धा केले जाते. पण त्याऐवजी काश्मीरच्या सुंदर खोऱ्यांमध्ये लोकप्रिय असलेला काश्मिरी पिंक टी प्यायल्यास वाढलेले वजन कमी होण्यास मदत होईल. गुलाबी रंग, सौम्य चव आणि सुगंध इत्यादींमुळे चहा जगभरात फेमस आहे. त्यामुळे वजन कमी करताना डाएटमध्ये काश्मिरी गुलाबी चहाचे सेवन करावे. चला तर जाणून घेऊया काश्मिरी गुलाबी चहा पिण्याचे फायदे. (फोटो सौजन्य – istock)
सकाळी उठल्यानंतर रिकाम्या पोटी करा 'या' चहाचे सेवन, पोटावर वाढलेला चरबीचा घेर झपाट्याने होईल कमी
काश्मिरी पिंक टी ला नून चाय, गुलाबी चाय आणि काश्मिरी चहा म्हणून सुद्धा ओळखले जाते. हा चहा पारंपरिक पद्धतीने बनवला जातो. चहा बनवताना ग्रीन टीची पाने, पाणी, बेकिंग सोडा आणि दूध इत्यादी पदार्थांचा वापर केला जातो. याशिवाय गुलाबी रंग, साखर, बदाम आणि पिस्त्यांचा सुद्धा वापर केला जातो.
कश्मिरी पिंक चहा वजन कमी करण्यासाठी फायदेशीर ठरतो. चहाच्या पानांमध्ये अँटीऑक्सिडंट्स मुबलक प्रमाणात आढळून येतात. याशिवाय चहाच्या पानांमध्ये असलेल्या कॅफ़िनमुळे ऊर्जा आणि उत्साह कायम टिकून राहतो.
साखर न घालता तयार केलेला कश्मिरी चहा दिवसभर शरीरात उत्साह कायम टिकवून ठेवण्यास मदत करतो. पण ऍसिडिटी किंवा अपचनाच्या त्रासाने त्रस्त असल्यास कश्मिरी चहा पिणे टाळावे.
वजन कमी करताना केवळ कश्मिरी चहाचे सेवन नाहीतर संतुलित आहार, शारीरिक हालचाल आणि नियमित भरपूर पाण्याचे सेवन करणे फार आवश्यक आहे.
वाढलेले वजन कमी करताना योग्य डाएट फॉलो करणे फार आवश्यक आहे. चुकीचा डाएट, तासंतास उपाशी राहिल्यास शरीरावर त्याचे वाईट परिणाम होऊ शकतात.
