गुढी पाडव्यानिमित्त घरी बनवा ‘हे’ चविष्ट गोड पारंपरिक पदार्थ, लहान मुलांसह मोठेसुद्धा खातील आवडीने

तांदूळ किंवा शेवयांचा वापर करून तुम्ही चविष्ट खीर बनवू शकता. पूर्वीच्या काळापासून ते आतापर्यंत सणाच्या दिवशी खीर आवर्जून बनवली जाते.

गुढी पाडव्याच्या दिवशी नारळ आणि साखरेचा वापर करून लाडू बनवले जातात. नारळाचे लाडू चवीला अतिशय सुंदर लागतात. पौष्टिकतेने समृद्ध असलेले लाडू पूजेमध्ये प्रसाद म्हणून वाटले जातात.

दुधाचा वापर करून बनवली जाणारी बासुंदी चवीला अतिशय सुंदर लागते. बासुंदी हा गोड पदार्थ लहान मुलांपासून ते अगदी मोठ्यांपर्यंत सगळ्यांचं खूप जास्त आवडतो.

दही, केशर आणि साखरेचा वापर करून श्रीखंड बनवले जाते. याशिवाय श्रीखंडासोबत खाण्यासाठी पुऱ्यांचा बेत आखला जातो. जेवणाच्या ताटात जर श्रीखंड पुरी असेल तर जेवणात दोन घास जास्त जातात.

सणाच्या दिवशी प्रत्येक घरात पुरणपोळी हा पदार्थ बनवला जातो. पुरणपोळीचे नाव घेतल्यानंतर अनेकांच्या तोंडाला पाणी सुटते. गुळवणी किंवा दुधासोबत पुरणपोळी खाल्ली जाते. त्यामुळे पाडव्याच्या दिवशी घरात नैवेद्यासाठी पुरणपोळी हा पदार्थ बनवू शकता.