पोषक घटकांनी समृद्ध असलेला डाळ भात आरोग्यासाठी आहे गुणकारी! नियमित सेवन केल्यास शरीराला होतील आश्चर्यकारक फायदे

डाळ बनवताना नेहमीच वेगवेगळ्या प्रकारच्या डाळींचा वापर केला जातो. मसूर डाळीमध्ये प्रथिने, फायबर, लोह, पोटॅशियम आणि जीवनसत्त्वे इत्यादी अनेक घटक आढळून येतात. तर तांदळामध्ये कार्बोहायड्रेट्स आणि ऊर्जा देणारे घटक असतात.

शरीरात वाढलेली ऍसिडिटी किंवा पचनसंबंधित समस्यांपासून आराम मिळवण्यासाठी डाळभात खाल्ली जाते.डाळीमध्ये असणारे फायबर पचनसंस्था निरोगी ठेवण्यासाठी मदत करते. भात पचायला अतिशय हलका असतो.

भातामध्ये असणारे कार्बोहायड्रेट्स शरीराला लगेच ऊर्जा देतात. त्यामुळे रोजच्या जेवणाच्या ताटात थोडासा तरी भात हा खाल्लाच जातो. मसूर डाळ आणि भात खाल्ल्याने शरीराला दीर्घकाळ ऊर्जा मिळते.

वाढलेले वजन कमी करताना भाताचे सेवन केले जात नाही. पण पण वजन कमी करण्यासाठी भात डाळ खाणे हा उत्तम पर्याय आहे. भात डाळ खाल्यामुळे पोट दीर्घकाळ भरलेले राहते.

मसूरमध्ये फायबर आणि अँटीऑक्सिडंट्स असतात, ज्यामुळे शरीरात वाढलेले कोलेस्ट्रॉल नियंत्रणात राहण्यास मदत होते. भातामध्ये सोडियमचे प्रमाण कमी असल्यामुळे उच्च रक्तदाब नियंत्रणात राहतो.