दिवाळी सणाला सर्वच महिला साड्यांची खरेदी करतात. साडी खरेदी करताना साडीचा रंग, काठ, पदर, साडीवर बुट्या इत्यादी अनेक गोष्टी पाहून साडी खरेदी केली जाते. साडीवरील लुक आणखीनच सुंदर दिसण्यासाठी त्यावर वेगवेगळ्या डिझाईनचे ब्लाऊज शिवून घेतले जातात. मात्र कायमच महिला लाल, पिवळ्या किंवा हिरव्या इत्यादी ठराविक रंगाच्या साड्या खरेदी करतात. मात्र यंदाच्या दिवाळीमध्ये इतरांपेक्षा सुंदर आणि आकर्षक दिसण्यासाठी मोरपंखी रंगाची साडी खरेदी करू शकता. मोरपंखी रंग अतिशय सुंदर आणि आकर्षक दिसतो. (फोटो सौजन्य: Pinterest)
यंदाच्या दिवाळीत आकर्षक आणि सुंदर दिसण्यासाठी खरेदी करा 'या' डिझाईनच्या मोरपंखी साड्या
सणावाराच्या दिवशी सगळ्यांचं पारंपरिक आणि मराठमोळा लुक करायला खूप जास्त आवडतो. त्यामुळे तुम्ही मोरपंखी रंगाची पैठणी साडी खरेदी करू शकता. मोरपंखी रंगाच्या पैठणी साडीवर आरी वर्क केलेले ब्लाऊज अतिशय सुंदर दिसेल.
मोरपंखी रंग निळ्या आणि हिरव्या रंगाचे मिश्रण आहे. त्यामुळे या रंगाच्या साडीवर दोन छटा दिसून येतात. चंदेरी धाग्यांचा वापर करून तयार केलेली बनारसी साडी तुम्ही दिवाळीनिमित्त खरेदी करू शकता.
मोरपंखी रंगात अनेक वेगवेगळ्या डिझाइन्स बाजारात उपलब्ध आहेत. सोन्याची जर घालून विणलेली साडी कोणत्याही सणांसाठी उत्तम पर्याय आहे.
मोरपंखी रंगात तुम्ही कांजीवरम सिल्क साडीसुद्धा खरेदी करू शकता. कांजीवरम साडी नेसल्यानंतर त्यावर सोन्याचे दागिने परिधान केल्यास लुक पारंपरिक दिसेल.
मोरपंखी रंगाच्या साडीवर पोपट, मोर, कुहिरी, कमळाच्या डिजाईन्स असे बरेच पर्याय उपलब्ध आहेत.
