शुक्रवार, 30 ऑक्टोबर 2026
आर्टिफिशियल इंटेलिजेंस आणि सध्याच्या डिजीटल काळात स्कॅम आणि सायबर गुन्हेगारांपासून स्वत:ची सुरक्षा करणं अत्यंत महत्त्वाचं आहे. कारण बदलत्या तंत्रज्ञानासोबत स्कॅमच्या पद्धतींमध्ये देखील बदल होताना पाहायला मिळत आहे. सायबर गुन्हेगार नवीन पद्धती वापरून लोकांची फसवणूक करत आहेत. विशेषत: एआई वॉयस क्लोनिंग, डीपफेक आणि ऑटोमेटेड मैलेशियस बॉट्स सारख्या स्कॅम्समध्ये सामान्य नागरिक अगदी सहज अडकतात. मात्र अशा स्कॅम्सपासून सुरक्षित राहण्यासाठी तुम्ही काही टिप्स लक्षात ठेऊ शकता. ज्यामुळे तुमचा बँकिंग आणि वैयक्तिक डेटा सुरक्षित राहील. (फोटो सौजन्य: istock)
बँकिंग आणि वैयक्तिक डेटा कसा ठेवाल सुरक्षित? सायबर फसवणुकीपासून सावध राहण्यासाठी आजच करा हे उपाय
जर तुम्हाला पैशांची मागणी करणारा एखादा फोन आला असेल तर त्वरित त्या व्यक्तिला पैसे पाठवू नका. कारण स्कॅमर्स एआयच्या मदतीने आवाज बदलून तुमची फसवणूक करू शकतात. अशावेळी एक सीक्रेट कोड ठरवा, जो फक्त तुम्हाला आणि तुमच्या जवळील लोकांना माहिती असेल. कॉलवर पैशांची मागणी करणारा व्यक्ती हा कोड सांगू शकली नाही तर सावध राहा.
बनावट मेसेजमध्ये चुकीच्या स्पेलिंग शोधू नका. तर मेसेजमधील कंटेट तपासण्याऐवजी बँकिंग प्रोसेस तपासा. कारण बँक कधीही तुम्हाला अनऑफिशियल लिंकवर क्लिक करून पिन किंवा पासवर्ड अपडेट करण्यास सांगत नाही. असा एखादा मेसेज आला असल्यास कोणत्याही लिंकवर क्लिक करू नका.
स्मार्टफोनच्या सेटिंगमध्ये जाऊन अशा ॲप्सच्या परवानग्या त्वरित बंद करा, ज्यांना माइक, कॅमेरा किंवा काँटेक्ट्सची गरज नाही.
बँकिंग ॲप्समध्ये टू-फॅक्टर ऑथेंटिकेशनसह बायोमीट्रिक लॉक नेहमी ॲक्टिव्ह ठेवा.
सोशल मीडियावर हाय-क्वालिटी व्हॉईस सँपल किंवा एचडी व्हिडीओ शेअर करताना सावध राहा. कारण सायबर गुन्हेगार या कंटेटचा वापर एआय मॉडेलला ट्रेन करण्यासाठी करू शकतात.
इनबिल्ट कॉलर आईडी, स्पॅम ब्लॉकिंग सेटिंग्स आणि विश्वसनीय अँटी-वायरस फीचर्सचा वापर करा. कोणत्याही अनोळखी लिंक किंवा क्यूआर कोडचा वापर करू नका.
