शनिवार, 14 नोव्हेंबर 2026
महाराष्ट्राचे महावस्र्त म्हणून ओळखली जाणारी पैठणी साडी जगभरात सगळीकडे प्रसिद्ध आहे. सर्वच महिलांना पैठणी साडी नेसायला खूप आवडते. पैठणी साडीवर करण्यात आलेले नक्षीकाम, बारीक बुट्यांचे वर्क, पदरावरील मोर सगळ्यांचं आकर्षित करतात. सणावाराच्या दिवसांमध्ये किंवा इतर कोणत्याही कार्यक्रमात पैठणी साडी आवडीने नेसली जाते. मात्र बऱ्याचदा पैठणी साडीवर कशा प्रकारे ब्लाऊज शिवावा? हे महिलांना समजत नाही. ब्लाऊजवर नेमकी कशी डिझाईन करावी, हे सुचत नाही. म्हणूनच आज आम्ही तुम्हाला पैठणी साडीवर शोभून दिसतील असे काही ब्लाऊज पॅटर्न सांगणार आहोत. हे नक्की ट्राय करून पहा. (फोटो सौजन्य – iStock)
नक्षीदार पैठणी साडीवर शिवा 'या' पॅटर्नचे सुंदर ब्लाऊज
कोणत्याही रंगाच्या पैठणी साडीवर तुम्ही कॉन्ट्रास्ट ब्लाऊज शिवून घेऊ शकता. लाल किंवा गुलाबी रंगाच्या नक्षीदार पैठणी साडीवर हिरव्या रंगाचा ब्लाऊज अतिशय सुंदर दिसेल.
बाजारामध्ये पैठणी साडीचा काठ असलेले ब्लाऊज पीस उपलब्ध आहेत. त्यामुळे तुम्ही कोणत्याही पैठणी साडीवर पैठणी पॅटर्नचा ब्लाऊज शिवू शकता.
काहींना हेवी वर्क केलेले ब्लाऊज परिधान करायला खूप आवडतात. त्यामुळे ब्लाऊजवर तुम्ही खड्यांचे किंवा बारीक रंगीत मण्यांचे सुंदर वर्क करून घेऊ शकता. यामुळे तुमच्या ब्लाऊजचा लुक सुंदर दिसेल.
ब्लाऊजला थोडा हटके आणि स्टयलिश लुक द्याचा असेल तर तुम्ही या पॅटर्नचा ब्लाऊज शिवून घेऊ शकता. हा पॅटर्न शिवताना साडीचा काठ आणि साडीच्या आतील रंगाच्या कापडाचा वापर केला जातो.
हातांवर वर्क केलेले ब्लाऊज अतिशय सुंदर दिसतात. त्यामुळे हातांवर तुम्ही नथ, नाव किंवा इतर नक्षीकाम करून घेऊ शकता. यामुळे तुमच्या ब्लाऊजची शोभा वाढेल.
