शनिवार, 14 नोव्हेंबर 2026
दिवाळी संपल्यानंतर लगेच लग्नसराईच्या दिवसांना सुरुवात होते. लग्नाच्या दोन ते तीन महिने आधीपासूनच तयारीला सुरुवात केली जाते. त्यासोबतच त्वचा आणि केसांची सुद्धा खूप जास्त काळजी घेतली जाते. चेहऱ्यावर आलेले पिंपल्स, काळे डाग आणि सुरकुत्या घालवण्यासाठी अनेक वेगवेगळे उपाय केले जातात. पण त्याचा फारसा परिणाम दिसून येत नाही. चेहऱ्यावरील ग्लो वाढवण्यासाठी त्वचेला आतून पोषण देणे खूप जास्त आवश्यक आहे. महिनाभरात त्वचेवरील ग्लो वाढवण्यासाठी नियमित या पदार्थांचे पाणी प्यावे. यामुळे त्वचेवरील मृत पेशी कमी होण्यास मदत होते. (फोटो सौजन्य – istock)
महिनाभरात चेहऱ्यावर येईल ब्रायडल ग्लो! सकाळी उपाशी पोटी नियमित प्या 'या' पदार्थांचे पाणी, त्वचा होईल तेजस्वी
वातावरणात होणारे बदल, बिघडलेली पचनक्रिया, कमी पाण्याचे सेवन इत्यादी अनेक गोष्टींच्या परिणामामुळे चेहऱ्यावर मोठे मोठे पिंपल्स आणि काळे डाग येतात. हे डाग घालवण्यासाठी महागड्या स्किन केअरचा वापर न करता घरगुती उपाय करावेत.
सकाळी उठल्यानंतर एक ग्लासभर कोमट पाण्यात अर्धा चमचा तूप मिक्स करून प्यायल्यास शरीरातील विषारी घटक बाहेर पडून जाण्यास मदत होईल आणि त्वचेची गुणवत्ता सुधारेल.
रात्री झोपण्याआधी अर्धा ग्लास पाण्यात मनुके घालून भिजत ठेवावे. त्यानंतर सकाळी उठल्यावर पाण्यासहीत मनुके चावून खावेत. मनुक्यांमध्ये असलेले घटक पचनक्रिया सुधारण्यास मदत करतात.
अर्धा ग्लास पाण्यात केशर काड्या भिजत ठेवून सकाळी केशराचे पाणी प्यायल्यास महिनाभरात त्वचेवर चमकदार ग्लो येईल आणि काळे डाग कमी होण्यास मदत होईल.
लग्नाच्या दोन ते तीन महिने आधीपासून योग्य स्किन केअर रुटीन फॉलो करणे आवश्यक आहे. यामुळे चेहऱ्यावरील ग्लो वाढण्यासोबतच त्वचेच्या समस्या सुद्धा कमी होतात.
