‘हे’ लोकप्रिय पदार्थ मूळचे भारताचे नाहीत! गुलाबजामपासून चहाचा आहे समावेश

सामोसा - आवडीने खाल्ला जाणारा सामोसा हा पदार्थ मूळचा भारताचा नसून तो 13 व्या,14 व्या शतकात मध्य पूर्वेच्या व्यापारांकडून भारतात आला. मुख्य म्हणजे अनेक शतकांनंतरही सामोसा भारतीयांच्या आवडीचा पदार्थ बनला.

गुलाबजाम - नाव ऐकताच अनेकांच्या तोंडाला पाणी सुटणारा गुलाबजाम हा पर्शियांद्वारे भारतात आला. अनेक लग्नसोहळ्यात किंवा आनंदाच्या प्रसंगी आजही भारतात गुलाबजाम आणून याचा आस्वाद घेतला जातो .

राजमा - अनेक स्वयंपाक घरात वापरला जाणारा राजमा हा पदार्थ मेक्सिकोतून भारतात आला. आजही मिक्सीकन पाककृतींमध्ये राजमा वापरला जातो.

जिलेबी - भारताची लोकप्रिय मिठाई जिलेबी मध्य पूर्वेतून भारतात आली. पर्शियन आक्रमकांनी जिलेबी भारतात आणली.

चहा - भारतात चहाप्रेमी अनेक आहेत. हा चहादेखील भारताचा पेय नसून चीनचे पेय आहे. चहा हा चीनचा शोध असल्याचे म्हटले जाते.

नान - भारतीय खाद्यपदार्थांतील लोकप्रिय पदार्थ नान हा मुघलांकडून भारताला मिळाला. भारतात नानचे अनेक वेगवेगळे पदार्थ पाहायला मिळतात.