गेल्या अनेक महिन्यांपासून, टेस्ला भारतीय मार्केटमध्ये आपले पहिले पाऊल ठेवणार असे बोलले जात होते. एवढेच काय तर कंपनीची कार मुंबई-पुणे एक्सप्रेसवे वर टेस्टिंग दरम्यान स्पॉट करण्यात आली होती. अखेर, आज म्हणजेच 15 जुलै 2025 रोजी कंपनीने मुंबईतील शोरूममध्ये Tesla Model Y लाँच केली आहे. या लाँचच्या वेळी राज्याचे मुख्यमंत्री देवेंद्र फडणवीस आणि परिवहन मंत्री प्रताप सरनाईक उपस्थित होते. मात्र, अमेरिकेत कारची किंमत 38 लाख असून भारतात हीच किंमत 60 लाखांपेक्षा जास्त कशी? चला याबद्दल जाणून घेऊयात.
फोटो सौजन्य: @CMOMaharashtra (X.com)
अखेर, भारतीय ऑटो बाजारात टेस्ला मॉडेल वाय लाँच झाली आहे. ही इलेक्ट्रिक कार Rear-wheel Drive आणि Long Range Rear-wheel Drive अशा दोन व्हेरिएंटमध्ये लाँच झाली आहे. तसेच, या कारची अधिकृत विक्री सुद्धा सुरु झाली आहे.
टेस्लाने भारतात या इलेक्ट्रिक एसयूव्हीची ऑन-रोड किंमत ₹61.07 लाख ठेवली आहे, तर टॉप मॉडेलची किंमत ₹69.15 लाख आहे. ही कार दिल्ली, गुरुग्राम आणि मुंबई या प्रमुख शहरांमध्ये उपलब्ध होणार आहे.
मात्र, अमेरिकेत टेस्ला मॉडेल वायची किंमत ही $44,990 म्हणजेच 38 लाख रुपये. तेच हीच किंमत भारतात 60 लाखांपेक्षा जास्त आहे. असे का? चला याबद्दल जाणून घेऊयात.
भारतात पूर्णतः परदेशात बनवलेल्या कार्सवर सुमारे ७० टक्क्यांपर्यंत कर लागतो. दुसरे महत्त्वाचे कारण म्हणजे लॉजिस्टिक्स खर्च, कारण ही कार चीनमधील शांघाय प्लांटमधून मुंबईपर्यंत आणली जाते. यासोबतच वाहतूक, कस्टम्स आणि इतर प्रक्रिया यांमुळेही एकूण खर्चात मोठी वाढ होते.
टेस्ला मॉडेल Y एकाच कॉन्फिगरेशन पर्यायासह येणार आहे. मॉडेल Y RWD व्हेरिएंटची रेंज 500 किमी पर्यंत असेल. तसेच, मॉडेल Y लाँग रेंज रीअर-व्हील ड्राइव्ह व्हेरिएंटची रेंज 622 किमी पर्यंत असेल.
