Ahilyanagar News: “संगमनेरमधून काँग्रेस हद्दपार केली!” महायुती उमेदवारांच्या प्रचार सभेत एकनाथ शिंदेंचा टोला

संगमेनर येथे महायुतीची प्रचार सभा आयोजित करण्यात आली होती. या सभेत एकनाथ शिंदेनी काँग्रेसवर जोरदार टीका केली.

• संगमेनर येथे महायुतीची प्रचार सभा
• सभेला एकनाथ शिंदेंची हजेरी
• काँग्रेसवर जोरदार टीका

संगमनेर विधानसभा निवडणुकीत तालुक्यातील मतदारांनी काँग्रेसला संपूर्णपणे हद्दपार केले असून, आता ती संपूर्ण देशातही कुठे दिसत नाही. “तुम्ही तर पंजाही नष्ट केला आहे. आता पंजा शोधण्यासाठी मेणबत्ती लावावी लागेल. ४० वर्षांची सत्ता थंड झाली आहे,” अशा शब्दांत उपमुख्यमंत्री तथा शिवसेना प्रमुख नेते एकनाथ शिंदे यांनी काँग्रेसवर जोरदार टीका केली. हे परीवर्तन आता विकासकामांच्या रूपात दिसले पाहिजे, असा विश्वास त्यांनी संगमनेरकरांना दिला.

नगर विकास विभाग माझ्याकडे असल्यामुळे संगमनेर शहराच्या विकासासाठी कधीही निधी कमी पडू देणार नाही, असेही शिंदे यांनी जाहीर केले. महायुतीच्या नगराध्यक्षपदाच्या उमेदवार सुवर्णा संदीप खताळ तसेच इतर ३० नगरसेवक उमेदवारांच्या प्रचारार्थ नवीन नगर रोड येथे आयोजित सभेत ते बोलत होते.

Chandrapur News: जिल्ह्यातील ५ नगरपरिषद जागांना स्थगिती, सर्वोच्च न्यायालयाचा निर्णय

भ्रष्ट कारभाराच्या चौकशीचे संकेत

सभेला माजी खासदार सुजय विखे, आमदार अमोल खताळ, प्रांताध्यक्ष एस.झेड. देशमुख, नेते संतोष रोहम, नीलम खताळ, शिवसेना जिल्हा संघटक विठ्ठलराव घोरपडे, रामभाऊ राहाण, राजेंद्र सोनवणे, रमेश काळे, शहराध्यक्ष दिनेश फटांगरे, पायल ताजणे यांच्यासह महायुतीचे सर्व उमेदवार उपस्थित होते.

एकनाथ शिंदे म्हणाले,“वर्षानुवर्षे स्वतःच्या घरात सत्ता ठेवणाऱ्यांच्या भ्रष्ट कारभाराची चौकशीही सरकार करणार आहे. बंद पडलेले कॉटेज रुग्णालय, जल शुद्धीकरण प्रकल्प, तरुणांसाठी औद्योगिक वसाहतीची मागणी आणि उपनगरातील जागांवरील आरक्षण उठविण्याच्या मागण्यांना सरकारकडून पूर्ण पाठबळ मिळेल.”

Railway Mega Block : सीएसएमटी ते विद्याविहार लोकल प्रवास रखडणार! मध्य, हार्बर रेल्वे मार्गावर मेगाब्लॉक

सभेतून उद्योगमंत्री व आरोग्यमंत्र्यांना थेट फोन

जाहीर सभेतच उपमुख्यमंत्री शिंदे यांनी आरोग्यमंत्री प्रकाश आबिटकर आणि उद्योगमंत्री उदय सामंत यांना थेट फोन करून दोन महत्त्वाचे निर्देश दिले

• संगमनेर महिला व बाल रुग्णालयाला तातडीने परवानगी द्यावी
• संगमनेर तालुक्यातील औद्योगिक वसाहतीस तात्काळ मंजुरी द्यावी

हे आदेश सभेतूनच देताच उपस्थित हजारो संगमनेरकरांनी टाळ्यांच्या गजरात स्वागत केले.